8鍋臭臭鍋 (金巴利道) (Closed)

好懷念台灣既臭臭鍋，見到呢間8鍋好評如潮，黎試試先！一共有9 款鍋物，每一款都包晒一堆配料，大胃口仲可以追加野食！我揀左蕃茄白豚鍋同臺式麻辣鍋蕃茄白豚鍋有娃娃菜，白豚肉，蓮藕，豆腐，粟米，雜菇，粉絲等等。超級多料，但湯底偏淡，唔係太重蕃茄味，其他配料都正常，唔會話特別出色，我尤其鐘意粉絲，索左湯超好味！另外麻辣鍋配料有娃娃菜，牛肉片，麻辣餃，米血糕，沙白，泡麵，豆腐等等。湯底比較油，飲唔到鐘意食辣可以揀呢個，比起蕃茄味惹味好多，我鐘意佢既米血糕，不過份量唔算多。著淺色衫特別要注意，因為湯底滾起會彈啲汁出黎，所以如果可以提供埋圍裙就更貼心雖然望落好似好大煲，但唔會話太飽，大食既人要追加野食啦