474
80
15
8-min walk from Exit D, Jordan MTR Station continue reading
All Branches (2)
Telephone
28857867
Introduction
Originating from Taiwan, this Taiwanese Style HotPot Restaurant imports most of its ingredients from Taiwan. Other than its signature hot soup, it also has 8 other soup bases including a Cheese Milk Hot Soup and a Garlic Beef Hot Soup continue reading
Opening Hours
Today
12:00 - 00:00
Mon - Sun
12:00 - 00:00
Payment Methods
Visa Master AlipayHK Alipay Cash UnionPay
Other Info
May Bring Your Own Wine
Cake-cutting Details
Phone Reservation
Delivery Details
Spot payment
Review (625)
Level8 2019-08-14
8286 views
近年,台式嘅一人火鍋好似雨後春筍咁,越開越多。多年前晌天后光顧過一家具質素嘅台式一人火鍋店「一鍋」(可惜已結業),回想嗰次應該喺第一次接觸呢類台式火鍋店。今晚到訪嘅「8鍋」,喺台灣過江龍,自然有一定嘅實力,嚟到門口,見咁多人排隊等安排,就知實力不凡啦。等得唔耐,就有枱,馬上內進,一室都坐滿人,好不熱鬧。裝修簡約,水泥地、仿紅磚柱、昏暗嘅電燈泡……等等,都令整個環境都添加上點點氣氛。目測所見,在座嘅絕大部份都喺年青人。食物嘅選擇好簡單,餐牌一頁喺9款鍋物套餐,雖然叫套餐,都只不過喺一款鍋物,再配白飯或粉絲,可以加$12轉滷肉飯。反轉餐牌另一面,就印有數款小食、加點材料及各式各樣嘅台式飲品,整體嚟講選擇唔少。雖然,配飲品就無咩優惠,但食火鍋,點都要搭杯凍飲嘅。荔枝冰沙 $33、芒果冰沙 $35本來都想試芒果,但諗諗吓,荔枝清爽啲喎,所以,小弟就揀咗荔枝冰沙,其實,同平常飲嘅沙冰都喺咁上下,質感幾幼細,唔會有啲冰粒感,荔枝味果然好清爽,加上啲冰沙夠凍,襯火鍋一流呀。滷肉飯 +$12我哋其中一客轉為滷肉飯,睇睇佢哋嘅質素做成點?唔喺講笑,誇張啲講真喺滷肉多過飯呀,啲滷肉煮得好油亮,好入味,所以,非常之香濃,不過,感覺都喺油咗少少,唔怕肥嘅客人,碗飯絕對稱得上佳品。好快,兩大鍋鍋物就送上,而枱旁就送有醬油、辣椒油沙茶醬、豆瓣醬、蒜蓉,而餐牌亦有有建議混合嘅比例,當然,口味嘅嘢,隨自己喜好啦。沙茶牛肉鍋 $112佢哋嘅餐牌會寫晒成個鍋包咩食材,有娃娃菜、牛肉片、米血糕、牛丸,心型魚豆腐、沙白、粟米、金針菇、炸枝竹、粉絲、鳴門卷、花枝丸、蕃茄、甜不辣同青豆,十多樣材料,真喺一鍋「豐」,絕對童叟無欺,否則,都唔會大鍋成咁啦,相信唔少女生應該清唔晒一鍋。個沙茶湯底唔錯喎,頗惹味,臨尾用嚟淥麵就正晒,不過,我哋無咁做,因為單喺兩個鍋加埋碗滷肉飯已經好飽;而啲食材亦唔差,堅喺份量十足,好似啲牛肉片咁,唔會得一、兩炷就無晒,仲好嫩滑;花枝丸又好有墨魚味,吸咗沙茶味嘅枝竹亦份外好食。芝士牛奶鍋 $112另一款鍋物,加入牛奶做湯底,所以一身奶白色。同個沙茶鍋一樣,材料豐富,從餐牌所列出嚟嘅就有娃娃菜、白豚肉、日本南瓜、心型魚豆腐、台灣貢丸、麻吉燒、沙白、香菇、蟹柳、金針菇、炸枝竹、鳴門卷、雞蛋、烏冬、芝士片、蛋餃,雖然無認真咁對過,食落確喺有食過以上食材,無欺場。面面放上一大片芝士,待溶透之後,打散埋隻蛋,但湯底立時變得又滑又香;由於我同老友共享兩個鍋,而部份食材只有一人份,就唔喺樣樣都試到,但所試到嘅,質素都喺唔差,好似啲豚肉、南瓜、蛋餃都好唔錯。清晒兩個鍋之後,大家都大叫飽到上心口。材料豐富,份量十足,質素又唔錯,真喺唔怪得餐廳嘅生意咁好,座無虛席。服務更喺貼心、細心,唔喺隨口噏,因為是夜工作關係遲咗,趕到餐廳一身汗,有個妹妹仔竟然即時遞上抹紙及冰水俾我降降溫,真喺貼心;而食到中段,加湯就慣常啦,但有店員都細心留意到我哋個爐無晒火,幫手加番啲火酒糕,就連我哋自己都無為意呀! continue reading
(The above review is the personal opinion of a user which does not represent OpenRice's point of view.)
Level4 2019-06-22
2059 views
好耐之前食過哩間8鍋臭臭鍋, 個陣時岩岩新開, 前幾日經過見到佢大排長龍,原來而家已經咁受歡迎, 攪到我突然又好想食! 聽日放飯所以今晚特登晏少少黎唔想排隊, 9點到左果然唔洗排, 但原來入面都仲係差不多full house坐位ok闊落唔少得調味料~蕃茄白豚鍋朋友唔食辣揀左蕃茄湯底, 朋友話湯底係偏甜既而且蕃茄味亦濃郁~ 有大大舊既蕃茄比你煲住~除左白豚之外仲有好多蔬菜配菜, 樣樣有d台式麻辣鍋重口味又嗜辣既我梗係揀麻辣鍋啦, 揀左中辣但原來都唔係太辣, 不過就好香! 哩個鍋既配菜就重口味d有鴨血豬腸等等。米血糕好味!仲有配左細細個泡麵~我揀左粉絲, 吸哂d麻辣湯真係正到不得了!百香果綠茶依度既飲品全部都好似平時係台飲店外賣既包裝咁, 依個百香果綠茶又唔錯喎, 因為我唔中意太甜, 又有清新既百香果香每個餐$112, 鍋入面樣樣都有d食下食下都好飽, 中意健康d既可以好似我朋友咁揀蕃茄湯食多d蔬菜, 重口味如我就仲多選擇! 不錯 continue reading
(The above review is the personal opinion of a user which does not represent OpenRice's point of view.)
Level4 2019-06-16
5685 views
晚上偶爾經過尖沙咀金巴利道都會見到呢間好多人排隊的「8鍋臭臭鍋」,係一間來自台灣的台式一人火鍋專門店。星期六中午就黎左朝聖一下,下午3pm黎到所以未有太多客人餐廳合共有9款不同的鍋物套餐,有辣有唔辣,任君選擇。只需要$88就可享用鍋物+飯或粉絲+台式茶飲,實在係超值!有自助調味醬架,沙茶醬、豆瓣醬、蒜油等等可隨意配搭招牌臭臭鍋咁大個都未食過台式臭臭鍋,所以就點左呢個招牌鍋!內裡配料好豐富的呀,有白豚肉、米血糕、豬紅、大腸、鵪鶉蛋、鳴門卷、炸枝竹、粉絲等等。臭臭鍋湯底的味道有d似臭豆腐,味道特別,配料吸收左湯底的精華,非常美味!白豚肉係半肥瘦的,所以肉質軟腍,豬肉味濃郁!米血糕口感煙韌富嚼勁,有米香呢粒貢丸好好食!芝士牛奶鍋湯底毫不油膩,有濃香牛奶同芝士味,中間有隻生雞蛋,造成蛋花效果,正啊!火鍋配料同樣豐富,有娃娃菜、日本南瓜、台灣貢丸、麻吉燒、心型魚豆腐,蛋餃、烏冬等等。娃娃菜煮得好腍又入味,好健康!蛋餃有蛋香!麻吉燒好軟糯,口感同味道都好正!配埋Q彈的米飯,超級飽肚呢!茉香綠茶採用高雄的長信名茶,精選無發酵綠茶,茶底散發自然花香,冰凍解渴泡沫紅茶而紅茶則係精選全發酵阿薩姆紅茶,茶香濃而不苦,好飲哦 continue reading
(The above review is the personal opinion of a user which does not represent OpenRice's point of view.)
Level4 2019-05-22
4611 views
雖然發出了酷熱天氣, 但無損我喜歡食臭臭鍋心情, 尖沙咀8鍋一向係人氣店, 今日中午經過, 人流比起夜晚確實少得多!!! 不用等位就可以直入, YEAH!!8款鍋物選擇, 跟白飯/粉絲, 有野飲送~ 一律都係$88, +$7 可以飲D特別少少既野飲, 任揀餐牌中$30內都可以!更可以追加火鍋配料, 另有少量台式小食供應注意每日12:00至5:30都設加一服務費啊雖然人流較少, 但落左Order之後等左半個鐘都唔見有野食上檯, 追問一下職員, 原來職員忘記幫我地落單!! 追單後, 野食總算好快上檯揀左個咖哩奶蓋鍋, 有一個小火興住, 但唔知點解朋友果個鍋一直可以滾下滾下食, 我既鍋食到尾都唔滾, 不過個鍋都keep到熱湯底咖哩味較淡, 帶些少咖哩甜味, 唔係辣果種,入面有吸湯既娃娃菜、蟹柳、粉絲、炸枝竹, 完全吸左湯底精華, 正啊有幾片豬肉片, 帶些少爽, 亦同樣吸到湯底味, 唔錯有幾粒魚蛋仔, 略帶彈牙呢個唔知係咪叫黃金魚子球, 超正! 一咬中心位會爆醬啊!!配有白飯, 夠飽肚。 如果個湯底濃郁d會更好!因為我個鍋物冇牛肉片, 所以加左個牛肉牛肉有薄薄雪氣, 卷成一卷卷, 雖然邊位好似有d黑, 但冇變味, 薄薄一片放入湯底, 易索湯至入味加左$7轉特飲---盆栽奶茶奶茶味幾香, 唔會太濃, 面層有OREAL碎增加口感同朱古力味, 幾好飲最後叫多個小食同朋友SHARE, 炸花枝丸雖然唔係好彈牙, 但花枝丸甜甜地, 再加上左甜酸醬, 幾惹味!! continue reading
(The above review is the personal opinion of a user which does not represent OpenRice's point of view.)
Level4 2019-05-16
568 views
星期日中午去咗尖沙咀美麗華商場行街, 然後行去金巴利道一帶搵食, 我和同行友人都想食火鍋, 然後見到有一間一人一鍋嘅餐廳, 見餐牌都幾多湯底選擇, 入咗去試下。麻辣臭豆腐有街邊嘅臭豆腐嘅臭味, 但係佢唔係炸嘅, 相對之下冇咁熱氣, 臭豆腐索曬麻辣汁, 鍾意食臭豆腐嘅朋友可以多個選擇。羊肉片初時驚唔夠食, 所以叫火鍋時, 要多一份羊肉片, 唔會砌得好薄,有咬口 ,幾有羊味,冇騷味。台式麻辣鍋初時睇餐牌嘅時候以為份量唔會好多, 但食落嘅時候發覺好似食極都食唔完咁, 好多材料, 啱曬我呢啲唔係點想揀嘅人,一鍋食曬咁多材料, 我揀咗中辣, 但係辣嘅程度唔算勁, 食得辣嘅朋友可以揀大辣, 味道方面麻辣嘅程度唔算好高, 偏向香辣較多, 幾惹味。跟餐滷肉飯滷肉飯係用五花腩切成細條肉條煮成, 五花腩夠曬冧, 入曬滷水味。藥膳羊肉鍋藥膳鍋個湯底都幾重藥材味, 當歸味最出, 同樣配料都有好多,尤其係有米血糕同玉子豆腐呢啲一般火鍋都好少食到嘅配料 continue reading
(The above review is the personal opinion of a user which does not represent OpenRice's point of view.)