Video
Read full review
2022-08-14
86 views
好耐無食過泰國菜，朋友推介呢一間老字號嘅泰國餐廳，真係「泰」美味~餐廳總共有三層，好闊落同有空間感，因為我地好早到所以人流唔算多，但食食下愈來愈多人，原來香港都幾多人鍾意食泰國菜。食物種類琳琅滿目，餐牌亦都好清𥇦，分哂每一個categories展示，圖文並茂，好容易揀到自己想食既野，只可惜想食既野太多，兩個人既胃太細，最後叫左椒鹽軟殼蟹，飛天通菜，冬陰雞煲配蒜蓉包，以及椰青沙冰。椒鹽軟殼蟹($78)其實有諗過叫豬頸肉，蝦餅或者串燒呢啲經典泰國人氣小食，但見到椒鹽軟殼蟹比較少見，有啲興趣，所以就揀左。椒鹽軟殼蟹嘅份量唔算太多，大約有六七件，軟殼蟹嘅表面舖滿左滿滿嘅椒鹽，亦伴有蒜粒同青紅椒去炒，炸得非常爽脆，咬落去會食到小小蟹膏既油香，以及帶有小小蟹肉既鮮甜味。飛天通菜 ($75)泰式通菜總係能夠令我對通菜改觀。飛天通菜用左蒜蓉配指天椒紅辣椒去炒，所以非常惹味，而且炒得非常有鑊氣，通菜好爽口。落單時備註左小辣，所以唔會太辣。冬陰雞煲($168) 配蒜蒮包($32)食泰國菜點可以唔叫冬陰功，原來諗住叫個白飯黎配，但店員大大力推介配蒜蓉包，就聽左佢講，試完真係表示一流！冬陰功既湯底既酸又辣
餐廳總共有三層，好闊落同有空間感，因為我地好早到所以人流唔算多，但食食下愈來愈多人，原來香港都幾多人鍾意食泰國菜。
食物種類琳琅滿目，餐牌亦都好清𥇦，分哂每一個categories展示，圖文並茂，好容易揀到自己想食既野，只可惜想食既野太多，兩個人既胃太細，最後叫左椒鹽軟殼蟹，飛天通菜，冬陰雞煲配蒜蓉包，以及椰青沙冰。
椒鹽軟殼蟹($78)
其實有諗過叫豬頸肉，蝦餅或者串燒呢啲經典泰國人氣小食，但見到椒鹽軟殼蟹比較少見，有啲興趣，所以就揀左。
椒鹽軟殼蟹嘅份量唔算太多，大約有六七件，軟殼蟹嘅表面舖滿左滿滿嘅椒鹽，亦伴有蒜粒同青紅椒去炒，炸得非常爽脆，咬落去會食到小小蟹膏既油香，以及帶有小小蟹肉既鮮甜味。
飛天通菜 ($75)
泰式通菜總係能夠令我對通菜改觀。飛天通菜用左蒜蓉配指天椒紅辣椒去炒，所以非常惹味，而且炒得非常有鑊氣，通菜好爽口。落單時備註左小辣，所以唔會太辣。
冬陰雞煲($168) 配蒜蒮包($32)
食泰國菜點可以唔叫冬陰功，原來諗住叫個白飯黎配，但店員大大力推介配蒜蓉包，就聽左佢講，試完真係表示一流！
冬陰功既湯底既酸又辣，仲加入左好多香料，仲有好多香茅，草菇等，令佢既酸辣比四川酸辣米線果種更有層次，加上我地叫既係冬陰雞煲，多左一份雞既鮮甜味，更加令個湯多左一份鮮味，但雞既份量如果再多啲就更好😂
蒜蓉包有四片，本身覺得四片包32蚊有點貴，但食完真係覺得值得。本身冬陰功已經好夠味，當蒜蓉包沾上冬陰功湯底，個包索哂啲湯汁，冬陰功既惹味滲透哂落個包度，真係一流！
椰青沙冰($58)
呢個必定要大力推介，原隻椰子咁上，好打卡able，而且份量超多，滿到好似一個沙冰山咁，我地兩個人share都好夠。椰汁味好濃郁，而又唔會太甜，仲可以刮啲椰子肉食。炎熱既夏天，加上食完酸辣既泰國菜系，配上椰青沙冰，份外清涼解渴！
PS：成間餐廳嘅裝飾都泰國風情，而且會間唔中會播泰式音樂，充滿泰國情調
PS2：如果早入座又想揀窗口位的話，可以向店員提出，店員都好友善。我地就無咩所謂隨意坐，但見到有另外既客人就成功轉左去窗口位。
Post
