Video
Read full review
2018-09-14
1836 views
一年前我的好姐妹帶我黎呢度慶祝生日，今年生日都係黎返呢度，證明我就黎老左一歲啦今晚突然想飲酒，叫左杯帶有酸甜的柚子梅酒, 好適合女士飲！落單時, 員工同我地講餐廳九點半後酒精買一送一, 但我地享受唔到呢個優惠><第一樣order 係刺身盛合(6款)，有吞拿魚腩, 吞拿魚, 油甘魚, 三文魚, 帆立貝, 赤貝, 每款刺身都鮮甜味美, 厚切, 一次過可以食到不同的口感, 視覺同味覺都攞滿分!! 其次又點少得浜燒盛合!!! 今次order 左活貝漁獲浜燒盛合(2人前), 一睇就知有幾豐盛!上枱時重見到飽魚郁動，超級新鮮 ! !額外加$100 轉特大帆立貝！size 有成個手掌咁大 !! 好期待呀 !! 一路坐一路睇住員工幫我地燒， 燒完即時遞比我地！絕對係最佳享受 !! 帆立貝可以選用清酒或者牛油兩種煮法，雖然我地之前試過曬兩款口味，但係其實兩種煮法都係一樣咁好食,所以今次我地都係照舊一隻用清酒，一隻用牛油 清酒燒較鮮甜，牛油燒較香味濃郁!!松葉蟹腳唔需要任何調味, 原汁原味已經好好食!!鮑魚切好一粒粒, 食得好方便, 厚身彈牙， 好有咬口!!因為我唔食生蠔的關係, 好
今晚突然想飲酒，叫左杯帶有酸甜的柚子梅酒, 好適合女士飲！
落單時, 員工同我地講餐廳九點半後酒精買一送一, 但我地享受唔到呢個優惠><
第一樣order 係刺身盛合(6款)，有吞拿魚腩, 吞拿魚, 油甘魚, 三文魚, 帆立貝, 赤貝,
每款刺身都鮮甜味美, 厚切, 一次過可以食到不同的口感, 視覺同味覺都攞滿分!!
其次又點少得浜燒盛合!!!
今次order 左活貝漁獲浜燒盛合(2人前), 一睇就知有幾豐盛!
上枱時重見到飽魚郁動，超級新鮮 ! !
額外加$100 轉特大帆立貝！size 有成個手掌咁大 !! 好期待呀 !!
一路坐一路睇住員工幫我地燒， 燒完即時遞比我地！絕對係最佳享受 !!
帆立貝可以選用清酒或者牛油兩種煮法，雖然我地之前試過曬兩款口味，但係其實兩種煮法都係一樣咁好食,
所以今次我地都係照舊一隻用清酒，一隻用牛油
清酒燒較鮮甜，牛油燒較香味濃郁!!
松葉蟹腳唔需要任何調味, 原汁原味已經好好食!!
鮑魚切好一粒粒, 食得好方便, 厚身彈牙， 好有咬口!!
因為我唔食生蠔的關係, 好姐妹可以食多一隻, 佢不知幾開心, 哈哈!!
原隻響螺用清酒煮突出左響螺的鮮甜,粒粒都好爽口, 酒香加上鮮味配合得剛剛好!!
珍寶大蝦大大隻啖啖肉!!
蒜片厚切牛舌必點 !! 大大粒牛味濃郁，鮮嫩香囗! !
最後食埋個番薯雪糕！
今晚真係好滿足呀！
Post
