伊賀日本燒肉料理 (Closed) View

再次嚟食當然有d期望！環境仍舊幾乾淨，唔會覺得好油煙，而且亦都唔算好嘈，感覺良好~好彩一早已BOOK位，唔係一定無位，有備而來係好d既坐定定後，又係好努力揀野食既時間，點點點點點後，侍應就立馬拎左隻刺身船黎，上面有齊我點既刺身~~三文魚、海膽、甜蝦、八爪魚、素鮑片、螺肉、希靈魚刺身都是我的最愛件件厚切無欺場，鮮嫩爽甜，啖啖都滋味無窮，口感飽滿。牛小排等肉類則肥瘦適宜，燒熟後香口之餘仲好有肉香，食到我同我個fd都係咁食完一片又一片~~另外我覺得燒粟米同菠蘿都好好味咩都唔使落，單係燒熟已食得出本身的清甜味道，加上又有益又有營養，食多幾件都唔怕，而且都唔係好細件，感覺好豐足喔！