漁獲浜燒 (Closed)

最近朋友問我邊度帶新鮮燒海鮮推介，第一個浮現係腦海就係呢間漁獲浜燒！之前嚟過食見住啲海鮮生猛又新鮮，師傅再係我地面前細心燒，食落鮮味十足就從始愛上！加上呢度有好多款唔同清酒再配上海鮮正正相互輝映更加令人回味！今次再續鮮味之旅同朋友慶祝生日就一定要撩間令佢滿意嘅餐廳啦！今次主要食刺身同浜燒海鮮～刺身有5款，特別鐘意赤貝爽口的嚟又鮮味！仲開左條魚，魚肉片得厚度剛好，食落鮮嫩！魚頭最後仲可以拎去炸或煲湯，我地就揀左炸，食落好酥脆，好似薯片咁呢！本身唔太好魚頭，但今次一食就一掃我對魚頭嘅印象！另外浜燒部分有鮑魚扇貝響螺同幾種貝類，花款都好多！燒嘅時候仲可以用唔同方法添，好似扇貝可以揀清酒燒或牛油燒，後者香同濃味好多，前者就清新搭配更突出佢嘅鮮味！一如以往都迎合返個環境必要點枝清酒同朋友分享慢慢暢談，今次推介呢枝酒幾易入口但原來酒精濃度都唔惹小㗎，不過好順喉下次都會想點呢款配海鮮！最後仲有雪葩甜品作結，大滿足嘅一晚！