Video
Read full review
2013-10-20
1528 views
好耐都無再黎呢度食飯，今次一試，簡直面目全非，野食既質素同埋侍應既水平同剛開業既時候差好遠，難怪星期六夜晚黃金時段，居然重有唔少吉枱，又唔可以怪點解舊年俾米芝蓮整走佢粒星！酸辣湯︰用料尚算可以，基本上應該要有既野裏面都有，唔覺有偷工減料。只可惜既係豆粉既份量重手左，令到成個湯好似一pat野，好似食緊旺角街邊碗仔翅咁。至於味道就非常一般，一D「辣」既感覺都食唔到，可以唔駛叫！小籠包︰如圖所見，賣相認真麻麻，有一舊包重要「塌」左落黎。至於個皮薄就薄喇，但係薄到一夾落去就爛，四隻飽有兩隻都係咁，「咇」晒D汁出黎，認真趕客！嫰雞燴麵︰份量偏少，約一個營多撈麵既size，但味道尚可接受。唯一唔滿意既地方係嫰雞真係少得可憐，保守估計切到絲咁幼既雞加埋一齊可能連一舊切雞飯既雞既size可能都冇，而雞味亦一如所料欠奉，好似用水蒸熟咁，勁難食！海南雞飯︰坦白講，呢個似係油飯加油雞脾多過所謂海南雞飯。油飯尚算可以，但「海南雞脾」就非常一般。雞肉偏肥但完全冇雞味，再加埋本身已經油既油飯一齊食落口，令到入口既感覺油腍腍咁超級唔舒服！紅油抄手︰由於難度唔高，相對黎講呢個餸既「安全度」較大。不過，感覺上似係食「紅
酸辣湯︰用料尚算可以，基本上應該要有既野裏面都有，唔覺有偷工減料。只可惜既係豆粉既份量重手左，令到成個湯好似一pat野，好似食緊旺角街邊碗仔翅咁。至於味道就非常一般，一D「辣」既感覺都食唔到，可以唔駛叫！
小籠包︰如圖所見，賣相認真麻麻，有一舊包重要「塌」左落黎。至於個皮薄就薄喇，但係薄到一夾落去就爛，四隻飽有兩隻都係咁，「咇」晒D汁出黎，認真趕客！
嫰雞燴麵︰份量偏少，約一個營多撈麵既size，但味道尚可接受。唯一唔滿意既地方係嫰雞真係少得可憐，保守估計切到絲咁幼既雞加埋一齊可能連一舊切雞飯既雞既size可能都冇，而雞味亦一如所料欠奉，好似用水蒸熟咁，勁難食！
海南雞飯︰坦白講，呢個似係油飯加油雞脾多過所謂海南雞飯。油飯尚算可以，但「海南雞脾」就非常一般。雞肉偏肥但完全冇雞味，再加埋本身已經油既油飯一齊食落口，令到入口既感覺油腍腍咁超級唔舒服！
紅油抄手︰由於難度唔高，相對黎講呢個餸既「安全度」較大。不過，感覺上似係食「紅油上的抄手」多D，應該係整熟D抄手之後求其放喺個sauce上面拎出黎就算，所以令到紅油唔能夠平均分佈喺抄手上面，但係已經叫做全晚最正常既食物！值得一提既係食完飯之後成晚都非常口渴，想必佢地既味精必定異常重手！至於唯一要讚既係當我落左單想改餸之後亞姐都有幫我follow-up，唔係就咁hea我就算。雖然係咁，overall亞姐侍應既態度還雖有待改善，當晚有唔少食物「被送錯枱」，而好多侍應都十問九唔應，好似未訓醒咁！
Post
