和牛燒肉‧純

今次已經係我第二次黎和牛燒肉純食日本靚牛，呢度嘅牛肉全部由日本農民正株社經過品質檢定，係真真正正攞咗牌嘅日本產和牛。你可以跟個人喜好選擇自己鍾意食嘅部位。叫咗牛肉之後店員就嚟送上餐前沙律小吃。酸酸地嘅沙律汁加上爽脆嘅生菜為一餐嘅食肉獸之旅展開序幕。食燒肉點都要叫番碗白飯先可以襯托出和牛既濃香味。我哋叫咗三款牛嘅不同部位同埋一款豬肉去試呀！特選日本產和牛牛排肉(上圖)$320日本產和牛上牛排肉（下圖)$205雖然價錢一啲都唔平㗎，但你見到佢啲雪花紋，就知佢值回票價。特選日本產和牛肉眼$550呢度嘅部位肉質最稔，而且脂肪都比較少，所以食落牛味最濃！日本產豬五花腩肉$98我鐘意燒到佢既脂肪全溶掉，最尾就變左煙肉咁脆，好味道！望住啲日本和牛肉又紅色變咗啡色，其實都幾治癒，望住嗰啲油脂慢慢地溶化個過程，其實口水都係咁流。