麻辣風雲 (荃碧大廈) (Closed)

上次偶然發現呢間餐廳，俾佢驚艷到，今次咁啱約咗個勁鍾意食辣嘢嘅fd，決定帶佢去試一試。我哋揀咗一輪，最後都係決定食返上次我覺得好好食嘅香辣蝦同埋涼拌皮蛋，再試多個水煮魚。皮蛋同埋香辣蝦都冇令我哋失望，一樣保持到高水準like，辣得來又帶啲麻。我哋叫咗碗飯，配飯食一流呀！朋友話呢啲味道係好正宗嘅四川風味，好正！至於水煮魚，份量好多，除咗主角魚塊之外，配菜仲有香蔥、芽菜、同薯粉。湯底用咗好多唔同嘅辣椒、花椒嚟到煮，麻辣得來又好香。薯粉索晒啲湯汁，勁入味。魚塊好嫩滑，我幾鍾意，不過朋友就比較喜歡結實一啲嘅質感。睇吓大家嘅口味係點啦！我自己就好鍾意啦！我哋一邊食辣野，一邊飲冰凍嘅可樂，真係好爽呀！下次再嚟，要再試其他菜式。