周記油渣麵 (Closed)

前幾日諗住去深水埗搵吓嘢食，因為太晏先去到，有啲鋪頭都預備關門，而好出名嘅車仔麵檔仍然係大排長龍，所以就去咗隔離嘅周記試吓呢度嘅油渣麵。以前一直識開係大角咀嘅某一間油渣麵店，對呢度嘅期望唔算好大，因為見店入邊有部份人都唔係食佢哋招牌嘅油渣麵。由於太肚餓嘅關係，同朋友一人叫咗一碗大嘅油渣麵嚟食，頭兩啖覺得都唔錯架，但食下食下就發覺啲麵唔好食，油渣麵都一般，我知道有啲人鍾意食肥嘅油炸，但係我間唔時都想食下有啲肉地嘅，但係有肉嘅真係得un到咬唔落..而且呢度加一杯飲品都唔平，我諗我都冇下次㗎啦