醬缸韓國料理

Open Now

Now Closed

好多唔同款既任食餐廳都試過，任食醬油蟹真係第一次，原來好鬼正。呢間位於柯士甸道嘅~醬缸韓國料理～有個90分鐘無限任食醬油蟹套餐，最吸引就係佢地既自家醃制嘅醬油蟹，老闆每日6點早晨親自準備，保證新鮮又入味。蟹肉鮮甜加上醬油，滲透到每一吋肉質，鹹香帶甜，口感彈牙又唔會過鹹，同紫菜飯一齊食真係好滿足。仲可以加$30任食醬油蝦，絕對超值。前菜無限追加，仲有其他韓式野食點，泡菜餅、辣醬蟹、炒年糕、炒粉絲都好有韓式風味。小花蟹湯，蟹味濃郁清甜，好滋潤。酒精飲料買一送一，朋友聚會飲酒都開心，可惜我揸左車無得飲。餐廳有獨立房間，適合聚會或私人場合。作為經營咗13年嘅老字號，無論係味道定服務都令人大滿足。