Video
4-min walk from Exit D, Jordan MTR Station
continue reading
Telephone
23759805
Opening Hours
Today
11:30 - 14:30
17:30 - 22:30
Mon - Sat
11:30 - 14:30
17:30 - 22:30
Sun
Closed
Above information is for reference only. Please check details with the restaurant.
佐敦呢間「醬缸」開咗13年，Iby終於的起心肝試佢個醬油蟹任食。老實講，$498任食90分鐘，初頭驚伏，食完竟然想encore！ 主角醬油蟹真係冇得彈——蟹膏多到漏油，啖啖似鹹蛋黃咁香，蟹肉滑溜溜仲帶甜。最正係撈熱辣辣紫菜飯，海苔脆卜卜包住凍蟹肉，冰火口感好過癮！加$30要埋醬油蝦任食，爽口彈牙仲要蝦頭爆膏好似食緊海膽，抵加！ 其他配角：辣醬蟹唔會好鹹/辣而蓋過蟹肉鮮味；花蟹蛋花湯清甜解膩（屋企人飲咗兩碗）；泡菜餅煎得香脆；炒粉絲淡味咗啲。前菜任加呢下抵讚，泡菜酸咪咪好開胃。 驚喜位係酒精飲品 買一送一 ，同朋友叫Soju劈酒，夾埋醃蟹爽到震！房仔私隱度高，6條友傾到拆天都冇人眼超超。服務幾貼心，阿姐見我哋啲蟹殼堆成山就自動換碟。 溫馨提示： 1. 醬油蟹要襯凍食；2. 聽講周末爆到七彩，好在我地今次平日+撞正黑雨，5點半開門就衝入去；3. 有條長樓梯。人均$518（計加一），以任食生蟹來講算合理。今餐MVP係蟹湯配蟹膏，食到舔舔脷！ 📍佐敦柯士甸道118號業廣商業大廈1樓
continue reading
🇭🇰醬缸韓國料理·我第一次喺香港食醬油蟹就係喺呢間餐廳😎😎近排係threads見到佢出左醬油蟹放題 我就決定同翻同一個朋友一齊去試🤩🤩·醬油蟹 90分鐘無限任食 A $468我自己覺得呢個醬油蟹放題真係超抵 平時醬油蟹一隻都要2/3xx 今次食兩隻已經回本😈‼️佢個醬油蟹好新鮮 蟹膏好多🦀尤其係撈埋佢個紫菜飯 係令到個醬油蟹食落更加甜☺️☺️而且佢係每一個蟹蓋入面都係超多膏 好邪惡 但係好滿足🥰佢另外個辣醬蟹我甚至覺得好食過我係韓國食既 因為佢應該係調教過香港人嘅口味 係甜辣甜辣咁樣 唔會搶左蟹既鮮味🌶️另外小食我自己就覺得佢個韓式粉絲最好食 佢調味好均衡 年糕筒泡菜餅都唔錯🇰🇷最後食左咁多蟹 個肚涼涼地 飲埋個花蟹湯暖一暖就會舒服啲🍲·#rbyeat#rby韓國菜#rby尖沙咀 #rby佐敦·📍佐敦柯士甸道118號業廣商業大廈1樓
continue reading
醬油蟹控注意⚠️ 多年前香港仲未興醬油蟹，佐敦老字號「醬缸韓國料理」已經率先推出，可以話係香港醬油蟹OG🦀最近更破格推出醬油蟹無限任食套餐🌟$468就可以任食招牌爆膏醬油蟹、辣醬蟹😍仲有韓式小菜、紫菜飯、湯品，性價比極高‼️.🌟醬油蟹無限任食A💰$468/位（另加一）.🦀醬油蟹重頭戲一定係爆膏醬油蟹‼️每隻都係多膏到滿瀉，蟹膏甘香濃郁，蟹肉鮮甜細緻，一啖已經勁邪惡😍 最正係可以無限Encore，撈埋紫菜飯食更邪惡到極點，真正白飯小偷🍚💥.🦀辣醬蟹想食得更過癮可以試埋辣醬蟹🌶️ 辣度適中但夠惹味，醬汁偏濃稠帶甜辣風味，蟹膏混埋辣汁一齊食勁正😋味道濃郁又唔會蓋過蟹味，食完一件想再encore🤪.🦀小花蟹湯蟹湯熱辣辣滾住上檯🔥湯底帶蟹鮮味之餘又唔會太heavy😙加埋翠玉瓜、洋蔥及白蘿蔔清新解膩，好啱食完濃味醬蟹之後飲返啖熱湯暖胃🥰.🦀紫菜飯醬油蟹嘅靈魂伴侶🤩熱辣辣白飯上鋪滿紫菜碎同芝麻，撈埋蟹膏食真係冇得輸👍🏻.🦀韓式小菜小菜選擇多，有泡菜餅、炒年糕、韓式粉絲、醃蘿蔔、涼拌昆布等，款款水準高，完全唔係求其塞飽你嗰種😌
continue reading
13年隱世老字號韓國餐廳「醬油蟹」終極體驗✨ 老闆晨早6點親自醃製超有誠意 ✅ 醬油蟹任夾唔嬲 ✅ +30追加醬油蝦✅ 辣醬蟹温辣帶鮮另一番風味✅ 小花蟹湯鮮到舌頭打結 1)紫菜少少飯撈蟹肉蟹膏2)蟹蓋撈飯更邪惡**蟹膏多到犯規辣醬蟹初體驗「似被韓國歐巴壁咚嘅刺激感」 🍲 小花蟹湯暗藏玄機： 豆腐+翠玉瓜+金菇+半隻蟹(湯撈飯鮮度十足)溫馨提示： • 酒精買一送一（蟹醉人更醉） • 神秘包廂適合「蟹友們」聚會• 前菜追加速度要快過快餐平日6點已爆場?!記得訂位:打等位等到變蟹迷石像
continue reading
對醬油蟹極度喜愛嘅我🔥每次去首爾一定要食返兩三餐頂癮早排俾我見到呢間醬油蟹任食😳😳😳醬油蟹、小花蟹湯、紫菜飯、辣醬蟹、泡菜餅、炒年糕、炒粉絲全部都無限追加🔥原來已經係13年老字號✅醬油蟹都係老闆每日6am親自自家醃制🍴醬油蟹隻隻爆膏 蟹膏濃郁 肉身晶瑩剔透😍醬油鹹香帶微甜，醃得超入味但唔死鹹加落紫菜飯撈勻🥹極香麻油味+脆身紫菜+鮮味醬油蟹口感豐富🥰🍴辣醬蟹甜辣帶蒜香 夠惹味🔥🍴泡菜餅外脆內軟 酸甜脆口🫶🏻🍴炒年糕Q彈口感+濃稠辣醬 甜辣交錯~🍴炒粉絲麻香味十足 香而不油🤓🍴小花蟹湯足料花蟹 鮮味十足🦀
continue reading