Video
Read full review
2017-08-09
100 views
今次去到銅鑼灣新開嘅「101手工涮涮鍋」，記得尖沙咀都有一間，聽朋友話都幾好食，所以上去試吓先。上到去一出電梯全層都係，餐廳招牌大大隻字，裝飾好華麗有氣派，餐廳格局大多數以卡位位置設計，好寬敞舒適，枱面用雲石製造，另外仲有室外地方，可以望到好靚嘅海景，每一張枱都有一盞識轉變顏色嘅燈，既有浪漫情調，又可以三五知己談心嘅好地方，環境佈置設計另有一番格調。餐紙非常大張，$388一位就可以食火鍋放題同埋各種特色飲品任飲，首先就食咗前菜，就係「手工麻辣麻醬手撕雞」同埋「秘製麻辣木耳」，味道都幾特別，又唔算太辣，開胃之選。主菜方面，有10款台式涮涮鍋可以選擇，我哋就揀咗「台灣香辣三杯雞涮涮鍋」，而且仲有不同辣度選擇，非常貼心。三杯雞好大盤入面有好多配料，仲有大大隻嘅雞，食落去雞好爽口彈牙，食得出係好新鮮，而且雞好入味，除此之外，入面仲有蔬菜、金菇同埋魚蛋等等，非常豐富呀，兩個人食份量好足夠，大愛！我哋仲每人加左＄58叫咗個「時令海鮮拼盤」，包括五種新鮮海鮮，有「珍寶美國筒蠔」、「原隻鮑魚」、「游水大海蝦」、「馬刀貝」同埋「卜卜大蜆」，賣相同樣吸引，食物擺放得好整齊好靚，各款海鮮都好好食好爽口，當中
上到去一出電梯全層都係，餐廳招牌大大隻字，裝飾好華麗有氣派，餐廳格局大多數以卡位位置設計，好寬敞舒適，枱面用雲石製造，另外仲有室外地方，可以望到好靚嘅海景，每一張枱都有一盞識轉變顏色嘅燈，既有浪漫情調，又可以三五知己談心嘅好地方，環境佈置設計另有一番格調。
餐紙非常大張，$388一位就可以食火鍋放題同埋各種特色飲品任飲，首先就食咗前菜，就係「手工麻辣麻醬手撕雞」同埋「秘製麻辣木耳」，味道都幾特別，又唔算太辣，開胃之選。
主菜方面，有10款台式涮涮鍋可以選擇，我哋就揀咗「台灣香辣三杯雞涮涮鍋」，而且仲有不同辣度選擇，非常貼心。三杯雞好大盤入面有好多配料，仲有大大隻嘅雞，食落去雞好爽口彈牙，食得出係好新鮮，而且雞好入味，除此之外，入面仲有蔬菜、金菇同埋魚蛋等等，非常豐富呀，兩個人食份量好足夠，大愛！
我哋仲每人加左＄58叫咗個「時令海鮮拼盤」，包括五種新鮮海鮮，有「珍寶美國筒蠔」、「原隻鮑魚」、「游水大海蝦」、「馬刀貝」同埋「卜卜大蜆」，賣相同樣吸引，食物擺放得好整齊好靚，各款海鮮都好好食好爽口，當中「鮑魚仔」真係好正，直接放入鍋入面煮幾分鐘就食得，煮完之後一樣都咁大隻，而且咬落去好有鮮味，非常爽口，再點小小辣椒豉油真係冇得頂！
套餐入面第四款就係「肉類」，每兩位送一碟，我哋就三選一揀咗「手工安格斯Prime Grade牛頸脊肥牛片」，賣相非常吸引而且好大碟，見到牛頸脊嘅條紋非常平均，半肥瘦的，食落去更是非常爽口，好新鮮嘅牛肉味道，食咗咁多樣嘢都係激讚！
之後就係食套餐入面包括嘅「101特選手工火鍋拼盤」，驟眼睇食物色彩繽紛，有八款新鮮火鍋配料，同樣地都係每一樣好新鮮好好食，尤其餃子類非常大隻，而且內饀好足料，所以我最鍾意係「黑松露蟹肉餃」，大大隻食落去好有口感，而且有好多蟹肉係入面，好濃郁嘅黑松露味道，真係非常正呀！
最特別係佢啲飲品好有台式特色，每一杯都大大杯，而且非常足料，就好似我叫左成三四杯野飲，其中之一就係「盆栽奶茶系列」中的「盆栽香芋珍珠奶茶」，面頭全部都係細細粒嘅曲奇，飲落去淡淡香濃嘅香芋味道，再加埋底下嘅珍珠一齊飲，真係冇得頂。
另外最抵嘅係「有酒精飲品」都係任飲，我就揀咗一杯「檸檬Cocktail」，都係非常好飲。總括來講，咁嘅價錢可以包任飲任食真係非常抵，而且食物係有質素，所以價錢好合理，環境又舒適，又位於鬧市區，最適合行完街過嚟醫肚嘅好地方。
Post
