小火焰韓式咖啡廳 (觀點中心) (Closed)

今日友人生日，就約左佢去觀塘shopping,行到累累地就黎左呢間餐廳食下午茶加晚餐。服務員好有禮貌就招待我地坐落黎。首先我地叫左個下午茶芝士夾餅，中間芝士厚厚一層口感十足，而且好香濃。之後叫個溫泉蛋牛肋肉鍋飯，好多汁同蛋醬撈咪一齊食味道同口感都好好。之後叫左兩款炸雞各半份，第一個係蜂蜜提子炸雞，蜂蜜甜度岩岩好，炸雞非常香脆可口，外脆內軟。另一半係韓式甜辣年糕炸雞，韓式醬好岩女士們食，唔算太辣，岩曬我口味。跟住先有芝士海鮮菜餅，皮好薄好脆，而且海鮮非常之多，口感一流。隨餐有野飲，我就選左熱蜂蜜紅棗茶，補血養顏，女士們最岩飲。另多一杯係凍蜂蜜柚子茶，柚子既香味甜度岩岩好。最後叫多個糯米糍3.6牛奶乳雪花冰，世個真係好好味，雪花冰口感一流，一定要試下。