套餐係$88起
1
見撞啱夠時間就去試一試
點知去到，講明話如果食午市套餐就唔可以坐窗口位。散叫先可以。
咁其實你推午市套餐做乜？
根本午市就冇人散叫，佢情願吉晒啲枱喺度都唔俾人坐。
有幾多個人平日食午餐可以夠時間散叫食個火鍋？
成件事真係多鬼餘，佢估人人唔使返工？
講返嘢食方面
之前試過唔同嘅台式火鍋店
呢間都算係最性價比差嘅一間
唔可以話啲嘢唔好食，但真係讚唔落好食
為咗有個海景影相打卡嘅話，咁建議你可以散叫吓影吓相。因為佢有啲肉係會擺到花花樣，用嚟打卡就啱。
我哋已經套餐裏面加錢，食好啲嘅牛肉
但係牛肉都唔係好夠味，又好細塊。
湯底，食完都幾頸渴。分別試咗養生人蔘雞湯底，巷子鴨血豆腐湯底
加上份量，真係好少，我哋自己加錢加到有六個餸
1
佢本身得三個餸
我哋加咗先至剛剛好夠飽
如果食佢個最基本$88餐，應該會好似食咗陣風咁
加$12先有兩粒雞子
仲要係雪都未溶，仲見到少少冰塊黐住。嘢飲又剩係得罐裝細嘅汽水揀
飲酸梅湯嗰啲全部都要自己加錢
所以根本就好難真係$88食到嗰個餐
大家真係有心理準備
兩個人，埋單都要三百幾400
完全可以有更好嘅選擇，唔需要食呢度
