農場鮮奶有限公司

Open Now

Now Closed

跑完山就嚟呢度食嘢，肚餓就梗係咩都好食啦。一直好想試農場鮮奶自家製嘅牛奶，但原來已經冇賣，比較失望。試咗佢哋嘅餐肉蛋出前一丁，有得揀麵質，我要比較彈牙嘅，餐肉外脆內軟，雞蛋有流心，不過$35唔平。另外仲試咗鮮奶燉蛋白，係用膠兜裝住，落完單之後就即刻上，而同行嘅朋友嗌咗薑汁撞奶，薑汁撞奶就係即叫即整，用碗裝住，同樣都係$27，感覺薑汁撞奶會抵啲。味道就正常普通咁啦。如果唔係行山經過嘅話，因為冇咗自己製嘅牛奶，都唔太值得特登入嚟食。除咗嘢食之外，都有羊仔睇嘅。