Video
Read full review
2025-05-30
278 views
新開咗一排嘅上海嘢，觀望咗一段時間終於決定試下。入到去一坐低，staff就過黎話每人送一碗例湯，出乎意料地好味，好甜 唔似係味精湯，都唔算好油。menu超多嘢揀，睇睇下其實呢間都唔似上海嘢，似係咩都有嘅fushion多啲燒肉醬汁香蔥雞扒飯有包埋個冷盤 木耳伴青瓜。 雞扒煎得啱啱好，幾嫩，但稍嫌細塊。有燒肉汁可以撈飯食無咁dry，啲汁都唔算太鹹，配埋啲蔥係香嘅。冷盤嘅青瓜爽口，但我唔鍾意佢用隻醋太濃味，用返淡少少嘅醋會比較襯佢清新嘅味道。飲品方面，豆漿係杯上，唔係支裝，唔知係咪因為咁可以叫少甜。甜度啱啱好，又有豆香，呢個推。相較之下奶茶麻麻。另外仲叫咗上海金不换肉躁香煎豬扒飯，呢個豬扒比雞扒大塊，好juicy唔會話煎得太乾。肉躁俾得好大方,一定夠撈晒成個飯，金不换輕輕吊下味，唔會好搶，味道balance得幾好。另一大期待花雕醉雞 酒香撲鼻但唔會太嗆，啲雞好入味同好滑。天時暑熱食返啲冷盤cool down好正。上海粗炒有驚喜！本身一上枱見佢唔太上色，仲以為有啲不妙，但食落口又夠味喎，同出面連鎖嗰啲上海店比無咁油／重口味，感覺係健康ver之餘，應有嘅味都無少到，配料都唔少，對得住價錢。呢個性
燒肉醬汁香蔥雞扒飯有包埋個冷盤 木耳伴青瓜。 雞扒煎得啱啱好，幾嫩，但稍嫌細塊。有燒肉汁可以撈飯食無咁dry，啲汁都唔算太鹹，配埋啲蔥係香嘅。冷盤嘅青瓜爽口，但我唔鍾意佢用隻醋太濃味，用返淡少少嘅醋會比較襯佢清新嘅味道。
飲品方面，豆漿係杯上，唔係支裝，唔知係咪因為咁可以叫少甜。甜度啱啱好，又有豆香，呢個推。相較之下奶茶麻麻。
另外仲叫咗上海金不换肉躁香煎豬扒飯，呢個豬扒比雞扒大塊，好juicy唔會話煎得太乾。肉躁俾得好大方,一定夠撈晒成個飯，金不换輕輕吊下味，唔會好搶，味道balance得幾好。
另一大期待花雕醉雞 酒香撲鼻但唔會太嗆，啲雞好入味同好滑。天時暑熱食返啲冷盤cool down好正。
上海粗炒有驚喜！本身一上枱見佢唔太上色，仲以為有啲不妙，但食落口又夠味喎，同出面連鎖嗰啲上海店比無咁油／重口味，感覺係健康ver之餘，應有嘅味都無少到，配料都唔少，對得住價錢。
呢個性價比，再加埋啲staff都幾好招呼，有下次😻
Post
