淘園火鍋館

Open Now

Now Closed

＂淘園乾雞煲＂先乾食，後加水轉打邉爐，兩食法有新意。＂手卷炸付皮炸＂得好脆店主話係師傅即叫即炸。＂手打芝士牛肉丸＂又係肥仔店主推介，又估佢唔到咁特別（可能係我鐘意食芝士關於）。見個師傅炸物了得就叫多客＂椒鹽九肚魚＂，俾十個掂佢，無骨鬆脆到無得頂，食完再叫多客。打邊爐又點可以唔叫牛肉，同班牛魔王食又點可以淨叫一碟，係lee個時候肥仔店主極力推薦＂牛頸脊＂肉質入口溶化。再叫多碟＂新鮮牛肉＂好有牛味，但滾得耐略嫌韌，滾2下又好似生得滯，有待改善。仲有8位有𩶘魚刺身送抵，但魚肉略韌。魚骨可以放埋落湯，又可以兩食。總結值得再去，不過美中不足無BB椅，全程抱住阿仔食。