釜山商會

呢間位於尖沙咀嘅釜山商會，入到去已經覺得好似去左啲韓國收工後會去消遣嘅地方咁。你地睇下啲青蛙仔幾得意。今次兩個人去食，所以淨係叫咗佢地呢個大大個嘅特殊部隊鍋。入到去見到其他枱都好似有叫。點解呢？因為佢會有專人幫你去處理啲食材。店員都係韓仔嚟架！ 有個韓仔幫我哋搞，正！特殊部隊鍋材料好豐富，有餃子、有火腿、有午餐肉、有腸仔、有芝士、韓國年糕、有好多菜，同埋銀芽，有肉有菜，好豐富、好balanced。佢地依家仲做緊一個情侶愛情鎖活動。佢哋bar 枱果邊有啲筆同埋鎖提供返畀情侶去整屬於佢地嘅愛情鎖。只要follow佢哋ig就可以得到一個鎖架喇！