逸之燒 (Closed)

呢間餐廳在元朗都薄有名氣，聽過朋友推介，但就未試過。今日突然想食日本野，拉埋男友去試下。一到步，餐廳環境好日式，好骨子，感覺舒服。仲送上中華沙律比大家食住先。揭開餐牌，發覺好多野食揀，包羅萬有：從前菜、小食、串燒、壽司、手卷、剌身、鍋物、炒飯、煮物都有。男友想食剌身飯，我就想食鍋物，可各取所需。雜錦刺身飯主要有三文魚、油甘魚同劍魚腩，剌身冰鎮另上，刺身夠凍夠鮮味。鍋物我揀咗安格斯牛小排壽喜燒，如果有買開凍肉，都應該知道牛小排價格貴過肥牛好多，亦都比肥牛更好食。我加左 $10 追加左一個飯拌來食。牛小排索左壽喜燒汁嘅味，勁入味，加上牛香溢出，是令人難以忘懷的味道。配料仲有鍋蛋同草菇、洋蔥絲、蘿蔔絲、椰菜絲，索左壽喜燒汁又係勁入味。主菜之外，我地有叫左些小食。磯燒鮑魚，鮑魚餣得入味，食落有咬口，唔會乾身，美味。鵝肝多士同西餐廳的質素相約。安格斯牛肉串用料上剩，頗為美味。胡麻豆腐，$22 有 4 件豆腐同沙律菜蕃茄仔，好味又抵食。