潮州合成甜品

Open Now

Now Closed

見咁多好評，即管去試吓。要了蓮子椰汁黑糯米芝麻湯圓同川貝木瓜燉雪耳。蓮子椰汁黑糯米芝麻湯圓:賣相一點都唔吸引，更可說是核突。色水不鮮，好似求其將d料畢埋一齊。好多人讚的蓮子不過不失，但其實無特別。黑糯米煙煙韌韌，幾有咬口，又不會太甜。湯圓唔掂，有少少油益味。咁嘅quality 都可以賣成30幾蚊，真係一點都不值。食松記好過。川貝木瓜燉雪耳:超淡，唔夠甜，無木瓜味，又無川貝味。唔知似咩！飲水好過飲佢。又細碗。一樣賣成幾廿蚊，真覺有點俾搵笨。環境衛生也不太好，好逼，枱面黐立立。老細要有門口拉客。食完行出黎又見到老細，仲問我地o岩唔o岩口味，唔o岩都唔會同你當面講啦！