Video
Read full review
2022-11-05
1322 views
餐廳：CARAT Fine Indian and Mediterranean Cuisine (尖沙咀)地址：尖沙咀寶勒巷6-8A號盈豐商業大廈4樓其實我真喺好鍾意食印度菜，尤其喺佢哋嘅好客之道、賓主之禮，同埋好好食嘅印度烤餅🤤，自從去完印度之後一有機會就會去食，今次我去咗尖沙咀嘅呢間CARAT Fine Indian and Mediterranean Cuisine @carat.tst ，聽講喺全香港最大間嘅印度、地中海菜餐廳，佔地有2000幾呎😍行入餐廳已經覺得好高尚堂皇，有室外同室內位置，另外有一間坐到16人嘅房可以比人包廂，仲有Open Kitchen同Bar Area，無論喺呢度食飯、飲酒🍻、搞活動都一樣咁掂👍。餐廳名叫CARAT，喺因為印度老闆主要從事鑽石💎、黃金生意，又鍾意食嘢，索性喺香港開呢間餐廳，聘請相當有經驗嘅印度大廚👨🏾🍳，為香港人帶嚟開始鑽石級享受嘅印度菜體驗😋，望望吓個餐廳名咁熟，原來中環蘭桂坊都有一間分店㗎🤓✝️Dahi Bhalla Chaat祕製扁豆球伴脆脆 $98一望到啲醬本身以為勁Heavy勁膩，點知食落又幾有驚喜🎊。自家製嘅扁豆脆脆波中間包住一
地址：尖沙咀寶勒巷6-8A號盈豐商業大廈4樓
其實我真喺好鍾意食印度菜，尤其喺佢哋嘅好客之道、賓主之禮，同埋好好食嘅印度烤餅🤤，自從去完印度之後一有機會就會去食，今次我去咗尖沙咀嘅呢間CARAT Fine Indian and Mediterranean Cuisine @carat.tst ，聽講喺全香港最大間嘅印度、地中海菜餐廳，佔地有2000幾呎😍
行入餐廳已經覺得好高尚堂皇，有室外同室內位置，另外有一間坐到16人嘅房可以比人包廂，
仲有Open Kitchen同Bar Area，無論喺呢度食飯、飲酒🍻、搞活動都一樣咁掂👍。餐廳名叫CARAT，喺因為印度老闆主要從事鑽石💎、黃金生意，又鍾意食嘢，索性喺香港開呢間餐廳，聘請相當有經驗嘅印度大廚👨🏾🍳，為香港人帶嚟開始鑽石級享受嘅印度菜體驗😋，望望吓個餐廳名咁熟，原來中環蘭桂坊都有一間分店㗎🤓
✝️Dahi Bhalla Chaat祕製扁豆球伴脆脆 $98
一望到啲醬本身以為勁Heavy勁膩，點知食落又幾有驚喜🎊。
自家製嘅扁豆脆脆波中間包住一片菠菜，加上印度傳統Papadi dressing，當中仲包括薄荷、羅望子酸甜醬同乳酪，另外配上印度麵碎、石榴、鷹嘴豆、薯仔等材料，食落香脆可口，酸酸甜甜幾開胃😝
✝️CARAT Tandoori Chicken招牌天多里乳酪香料烤雞 $128
餐廳嘅招牌之一，用咗多款印度香料先後兩次醃製炭烤過嘅雞肉🐔，
雞肉外層輕輕焦脆、內層入味軟嫩，配埋檸檬汁同自製薄荷醬一齊食🍋🌱，鮮味就更加突出
✝️Sindhi Korma 豆蔻香腰果奶油咖喱羊肉 $158
Masala喺食印度菜不可缺少嘅重要元素，善用印度盛產嘅各式香料，加埋豆蔻、腰果、奶油等材料製成羊肉咖喱🐑，香而不羶，濃而不辣，喺感覺呢個價錢嘅話份量可以多少少🤏，配埋我嚟緊介紹嘅烤餅真喺一流🤩
每次去印度餐廳必食嘅烤餅🫓，今次叫咗Garlic Naan蒜香烤餅($38)同Sunhari Lachha Naan皇室烤餅($48)，用咗Carat特製嘅窯爐去烤，溫度高達一千度🔥。除咗充滿蒜香味嘅烤餅之外🧄，
餐廳大廚獨創嘅皇室烤餅，喺外脆內鬆軟嘅印度烤餅上面加上番紅花、翠粟籽同杏仁去調味，口感層次更豐富惹味😋甜品方面叫咗Homemade Pista Kulfi印度開心果牛奶冰($88)同Homemade Rasmalai秘製印度甜奶球($88)，
前者食落口感有啲似雪糕，將牛奶冰加上開心果碎同印度香料，
食落冰涼有陣陣牛奶香；
後者就用咗牛奶🥛、Cottage cheese🧀、番紅花同果仁做配料整成味道甜香、食落濕潤鬆軟嘅甜奶球，兩者各有特色，仲喺餐廳大廚自家製，想試地道甜品可以一試，不過同香港一般食開嘅甜品真喺有啲唔同，對我嚟講就有啲食唔慣🙈
Post
