宮崎肉本舖 (Closed)

今晚牛魔王出動~ 約咗朋友食豪啲食靚啲！ 去咗銅鑼灣皇室堡附近嘅「宮崎肉本舖」食【宮崎A5桜花牛極上放題】 $998/位，有日本冠軍宮崎牛，香港獨家進口嘅A5櫻花牛呀，門口附近就已經見到唔少奬杯喇。 餐廳地方寛敞，有卡位，而我哋就揀咗私密度比較高嘅半開方式箱座。 打頭陣嘅頭盤實在太震撼，鮮紅粉嫩嘅肉色，全部佈滿雪花紋。 我由下而上，右至左咁食上去，肉後腿肉、外後腿肉、五花腩、肩口肉、牛肋肉、和尚頭、前腿肉、壽喜燒、肩里肌、肉眼每個部位都用木牌標註清晰。 一放上燒網，已經火光閃閃，因為油脂實在有豐富喇，燒一陣就食得，入口甘香滋味。 壽喜燒、肩里肌、肉眼由店員幫我地燒，一邊望住火光，一邊聞住燒肉香味，好期待！壽喜燒肉捲起，再蘸雞蛋食，非常嫩滑。 肉眼就最大塊，燒完店員幫我地剪開擺盤，好細心~ 我鍾意加少少wasabi同岩鹽食，已經可以帶出和牛本身嘅鮮甜。食咗多個牛嘅部位，連香港好少有得食嘅牛內臟都有喎，牛肝同牛沙瓜(牛胃），第一次食，味道好獨突。一路燒一路要食啲蔬菜，宮崎肉本舖和風沙律必點，沙律汁夠酸又可以減低膩感。乳酸梳打配燒肉就最啱，冰凍開胃，巨峰同白桃味都好香甜。 海鮮必食有甲羅燒，