Video
Read full review
2021-02-21
176 views
上月週末來到尖沙咀，雖然天氣唔係好凍，但係好想打邊爐，喺OpenRice度搵到一間叫香香宮煮，有五八折優惠，仲係無限時，當然要去試吓。入到香香宮煮嘅門口，見到有張龍椅，同埋有啲清裝掛咗喺度，應該係比客人穿着影相嘅，不過我哋就無著。 現在疫情嚴重，通常兩個人都可以坐四人卡位，所以二人坐好舒服。我哋一坐低，侍應就擺低啲杯碟碗筷同一大碗熱水，幫我哋清洗杯碟碗筷，服務非常好。佢哋個Menu都好多嘢食，而且全是五八折優惠，另外佢哋有午市優惠套餐A, B, C, 我哋揀咗A餐，原價$844 優惠價$388，當然無再五八拆，但都好抵食，包括火鍋湯底，有五款俾我哋選擇，我哋揀咗花膠雞湯鍋，火鍋料有頂級雪花牛肉、白沙蜆、新鮮海蝦、爽骨豬肉丸四粒、豬頸肉、蜂巢冰豆腐、香香公主雜菇拼、唐生菜、日本稻庭烏冬、另羊肉片，因我哋唔食羊肉片，所以轉左個差唔多價錢嘅紫菜腐皮卷。最初我哋諗佢個套餐$388咁平，食物份量應該會好少，如果唔夠飽就另外再散叫，但係估唔到原來份量都唔得少。首先我要講吓佢個火鍋湯底花膠雞湯（套餐沒有雞件跟，所以只得鷄湯和花膠），佢啲湯底全部都係真材實料，佢哋啲花膠好大塊好厚同埋數量都唔少，雖然唔
入到香香宮煮嘅門口，見到有張龍椅，同埋有啲清裝掛咗喺度，應該係比客人穿着影相嘅，不過我哋就無著。
現在疫情嚴重，通常兩個人都可以坐四人卡位，所以二人坐好舒服。我哋一坐低，侍應就擺低啲杯碟碗筷同一大碗熱水，幫我哋清洗杯碟碗筷，服務非常好。
佢哋個Menu都好多嘢食，而且全是五八折優惠，另外佢哋有午市優惠套餐A, B, C, 我哋揀咗A餐，原價$844 優惠價$388，當然無再五八拆，但都好抵食，包括火鍋湯底，有五款俾我哋選擇，我哋揀咗花膠雞湯鍋，火鍋料有頂級雪花牛肉、白沙蜆、新鮮海蝦、爽骨豬肉丸四粒、豬頸肉、蜂巢冰豆腐、香香公主雜菇拼、唐生菜、日本稻庭烏冬、另羊肉片，因我哋唔食羊肉片，所以轉左個差唔多價錢嘅紫菜腐皮卷。
最初我哋諗佢個套餐$388咁平，食物份量應該會好少，如果唔夠飽就另外再散叫，但係估唔到原來份量都唔得少。
首先我要講吓佢個火鍋湯底花膠雞湯（套餐沒有雞件跟，所以只得鷄湯和花膠），佢啲湯底全部都係真材實料，佢哋啲花膠好大塊好厚同埋數量都唔少，雖然唔係好貴嘅花膠但係都幾有好口感，個湯底好好飲，好清甜，無味精。我哋都飲咗幾碗。另外用嚟裝火鍋湯底嗰銅鍋好靚好特別，應該都唔平。
牛肉比我想像之中好食，海鮮好新鮮，比較差嘅係佢嘅炸紫菜腐皮卷，好油，我哋食咗一件就放棄咗。
雖然佢哋做緊折扣優惠，但係星期六嘅中午只得幾枱客，可能當日天氣唔係太凍，所以顧客特別少，顯得好冷清。
總結：
環境幾舒服，一啲都唔迫，好似置身宮廷。
火鍋湯底足料，火鍋配料新鮮。
價錢方面，正價我覺得稍為偏貴，如果有折扣優惠就非常抵食。
係侍服務應態度非常好。
Post
