新桂香燒臘

Open Now

Now Closed

今日星期六晨早出發過海去試呢間名舖，到達已是中午十二点，好彩未有人排隊。同師傅講要靚义但唔要肥膏，佢就俾咗2條一望就見到大大嚿嘅肥膏，後來我自己選咗條肥瘦適中嘅濃边义燒，再加半隻燒鵝$250。想試燒肉，師傅話俾我試吓不見天部位，我信佢，要咗約半斤，合共$450埋單。回家即食，义燒果然好好味，尤其是加埋D蜜汁，讚。但燒鵝，完全唔想食，未食過瘦到似琵琶鴨咁，唔知点解每嚿都有鴨pat pat味，無下次。至於師傅推介嘅不見天，好鹹，又乾，唔易咬，食2嚿都唔想食，要飲多口水冲淡個口。總結：$450祇得一條义燒好味，燒肉（目測全部掛出嚟都無嚿靚,先叫師傅介紹）唔掂，燒鵝，怪pat pat味，食唔落。都唔會有下次！重点提示，唔好叫師傅幫你，靠自己睇，免中伏。