鳥海山鐵板燒 (Moved) New Location

之前經過都好想試下食， 今次終於約到朋友一齊食！ 臨近地鐵站， 步行少於十分鐘分鐘就到達餐廳， 算是十分方便。 地方寬闊， 有格調，雖然我哋冇坐吧枱，但自己自成一角也很好，是傾心的好地方。我地叫左大蝦二人餐， 以鐵板燒嚟講算係性價比比較高！ 人均三百幾，食到四餸一飯一湯， 是入門鐵板燒必選！先講講主角大蝦燒， 真的是大大隻， 蝦有蝦味， 又很彈牙， 食得出是新鮮的食材。最喜歡是燒安格斯牛粒，大細粒切得啱啱好，啖啖肉，有燒香了的牛肉味～同樣是夠juicy 燒得剛剛好。比目魚沒有骨， 啖啖肉， 外脆脆的煎香味～相當爽口。 炒飯炒的很乾爽 ， 粒粒分明， 入邊有粒粒蝦籽，配合其他配料很相配。 上菜時是香噴噴的，令人胃口大開～總括來說， 由環境、地點、食物類、價錢到服務， 性價比相當高。