合益泰小食 (Under Renovation)

出哂名腸粉滑又有米香，嚟襯深水埗都幫襯，今日經過又再試吓，點知~失望。人怕出名豬怕肥，冇人排隊已經知出事，一埋去整4條腸粉食吓先，唉~腸粉好粗糙，又冇米香，腸粉唔掛汁，好難食啊，仲衰過街邊隨便一檔腸粉檔真係無話可說，經過走嚟必食嘅小食店又少一間，眼見佢生意一落千丈，個個阿姐掛住㩒手機度日，真係慨嘆呢間老牌小食店如此做生意，以前一條長龍由舖頭排到去隔離兩三個鋪位，就是為了美味腸粉而來，相信佢若不作出改善，好快就會被淘汰。