金凱小廚 (Closed)

又約沙田友搵食，家住大圍的地膽話要帶我食好野😋屋村冬菇亭收埋好多黃金小店，相信金凱小廚就係其中一間嘞！一個價錢有雞煲又有邊爐任食，中間仲要有串燒，何其滿足😎唔講咁多！先上惹味雞煲，我地揀左小辣，呢度的雞煲好乾身，但雞肉卻鮮嫩又夠入味，辣味適中，好好味令人想一食再食，二人份量亦恰到好處，食到半飽開始打邊爐🍲好多雞煲食完都會直接加湯底就打邊爐，貪佢夠方便又惹味，但咁樣湯底就會變得肥膩，金凱就會直接換過另一煲湯底，邊爐還邊爐🫕，讚👍🏻兩個女人緊係揀花膠湯底啦！估唔到真係有大大塊花膠啊😲 不過味道就略為清淡左打小小啦！唔緊要！加埋D配料剛剛好😋😋安格斯肩胛牛肉都真係冇得輸，食肉獸必點之作，肥瘦均勻，牛味濃郁，好正！另有羊肉，黑豚肉等多個選擇，唔錯！另外必須一讚各款丸類，係手打架！非一般急凍可比，尤其係牛丸，好正好入味，我地order左3轉！講返中間個串燒先，好多唔同選擇，連海鮮都有，我地就揀左扇貝、生蠔，兩款都燒得好惹味，鐘意濃味的朋友必讚～總結：東菇亭係唔會令人失望的！難怪金凱小廚地點唔太就腳都備受好評啦！會再Encore🤗