螢火

我今次食「月」午市套餐先上免費清酒，自己揀一隻就可以無限refill ， 午市限90分鐘，晚市限120分鐘。第一道係沙律，師傅就準備我哋啲食材。開始鐵板燒第一樣就係廣島蠔，佢烘乾咗啲櫻花蝦鋪滿煎香咗嗰兩隻蠔上面，蠔軟蝦脆。之後就食鵝肝多士，塊鵝肝勁厚，外脆內軟。之後就來一道汁煮鱈魚，先煎香魚肉，魚皮分開壓成薄脆，再加入洋蔥湯一齊食。主菜可以嘅薄燒美國牛或者厚燒，各有各好食。最後就上埋麵豉湯同漬物，仲有個櫻花蝦炒飯，一定要留肚食，上邊隻煎蛋有畫龍點睛嘅功效。食完晒可以要個甜品或者一杯咖啡。埋單$380 加一一位，性價比都幾高。加多$199仲可以要份日本拖羅刺身。如果係晚市就每兩位送一份。有刺身食，有sake飲真係幾爽。