Video
Read full review
2023-07-03
44 views
表姐剛剛從英國返港，喺英國一直都表示好掛住中菜，所以我專登揀咗呢間1908餐廳，係用咗英式元素嘅中菜廳。餐牌都配以中西合璧嘅元素，有傳統嘅中菜例如宮保蝦球同楊洲炒飯咁，但又會有fish and chips同埋salad選擇，都幾有趣。餐飲亦會提供唔同款式嘅cocktail or mocktail或者中式熱茶。我哋嗌咗一份香酥鴨跟薄餅，同傳統中菜嘅片皮鴨大同小異；只係鴨肉係經炸過之後再撕成一絲絲。配料都一樣有京蔥絲同青瓜絲，醬料都係用上海鮮醬，同片皮鴨嘅一樣，味道口感都唔錯，但鴨肉略嫌過乾身同鞋口。再點咗都係餐廳嘅另一招牌菜，蝦多士配甜辣醬。多士係用上一整塊方包無去皮，砌成三角形，加埋一隻蝦落去炸，簡單直接無乜技巧可言；味道亦如是，包重油味，蝦無調味。整件係一塊好香脆好油嘅炸麵包加隻蝦最後點了一份炒雜碎，即係中菜入面嘅炒雜菜，雖然聽落好似平平無奇，但反而我覺得呢碟菜係最好食😂可能對佢期望無太大，所以有喜出望外嘅感覺。雜菜有小棠菜、雞髀菇、芽菜等等，加上gravy嘅味道啱啱好，唔太咸清清哋，唔會太稀又唔會太杰。整體來講餐廳係幾有格調，環境闊落，而且設有outdoor，可惜當日落雨無開，否則
餐牌都配以中西合璧嘅元素，有傳統嘅中菜例如宮保蝦球同楊洲炒飯咁，但又會有fish and chips同埋salad選擇，都幾有趣。餐飲亦會提供唔同款式嘅cocktail or mocktail或者中式熱茶。
我哋嗌咗一份香酥鴨跟薄餅，同傳統中菜嘅片皮鴨大同小異；只係鴨肉係經炸過之後再撕成一絲絲。配料都一樣有京蔥絲同青瓜絲，醬料都係用上海鮮醬，同片皮鴨嘅一樣，味道口感都唔錯，但鴨肉略嫌過乾身同鞋口。
再點咗都係餐廳嘅另一招牌菜，蝦多士配甜辣醬。多士係用上一整塊方包無去皮，砌成三角形，加埋一隻蝦落去炸，簡單直接無乜技巧可言；味道亦如是，包重油味，蝦無調味。整件係一塊好香脆好油嘅炸麵包加隻蝦
最後點了一份炒雜碎，即係中菜入面嘅炒雜菜，雖然聽落好似平平無奇，但反而我覺得呢碟菜係最好食😂可能對佢期望無太大，所以有喜出望外嘅感覺。雜菜有小棠菜、雞髀菇、芽菜等等，加上gravy嘅味道啱啱好，唔太咸清清哋，唔會太稀又唔會太杰。
整體來講餐廳係幾有格調，環境闊落，而且設有outdoor，可惜當日落雨無開，否則應該會幾chill
Post
