Video
Read full review
2022-04-16
50 views
香港人們，封關咁耐，係咪好掛住鄉下呢，講緊梗係日本啦😍😍😍但無奈地又未去得住喎，點好？唔洗怕，乳豬今次介紹大家去一間恍如置身於日本風情既咖啡屋—婆婆咖啡屋。🫵🏻🫵🏻呢度裝修格局以木材為主，好似日本電視劇同動漫中的景緻，係呢度坐低過一個休哉悠哉既下午係一個唔錯既選擇，時間都過得慢啲。而今次乳豬就有機會試一試佢地既日本料理。乳豬今次品嚐兩份佢地既招牌套餐—五品料理。當然，兩份由不同料理組成，各有五款配菜，一個主菜，同一款開胃小食。🔆五品料理：配菜清酒釀溏心蛋杏仁蘋果馬鈴薯沙律沖繩蕃薯條配蜂蜜芥末醬黑松露野菜鮮蝦福袋蟹肉汁煮大根🔆主菜鰹魚湯昆布烏冬🔆前菜啤酒柚子蘿蔔漬溏心蛋溏心蛋好有光澤，蛋黃上有蛋汁流出，一咬落去係口中滑動，好有蛋香味，唔知係咪都係用日本蛋呢？乳豬指數：🐷🐷🐷🐷🐷🐷🐷蘋果薯仔沙津食落好清新，蘋果同薯仔估唔到咁夾，好健康既感覺，我係男生都喜愛，亦好推介女生一試👍👍乳豬指數：🐷🐷🐷🐷🐷🐷🐷🐷蕃薯條配蜜芥醬用左蕃薯成件感覺無咁油膩同健康左既感覺，粗條蕃薯口感好好，蕃薯有利消化功用，配埋個醬甜到入心既感覺出哂黎。乳豬指數：🐷🐷🐷🐷🐷🐷🐷鮮蝦福袋首先，手工精巧係要讚賞先，佢用類似腐皮
呢度裝修格局以木材為主，好似日本電視劇同動漫中的景緻，係呢度坐低過一個休哉悠哉既下午係一個唔錯既選擇，時間都過得慢啲。
而今次乳豬就有機會試一試佢地既日本料理。
乳豬今次品嚐兩份佢地既招牌套餐—五品料理。當然，兩份由不同料理組成，各有五款配菜，一個主菜，同一款開胃小食。
🔆五品料理：配菜
清酒釀溏心蛋
杏仁蘋果馬鈴薯沙律
沖繩蕃薯條配蜂蜜芥末醬
黑松露野菜鮮蝦福袋
蟹肉汁煮大根
🔆主菜
鰹魚湯昆布烏冬
🔆前菜
啤酒柚子蘿蔔漬
溏心蛋
溏心蛋好有光澤，蛋黃上有蛋汁流出，一咬落去係口中滑動，好有蛋香味，唔知係咪都係用日本蛋呢？
乳豬指數：🐷🐷🐷🐷🐷🐷🐷
蘋果薯仔沙津
食落好清新，蘋果同薯仔估唔到咁夾，好健康既感覺，我係男生都喜愛，亦好推介女生一試👍👍
乳豬指數：🐷🐷🐷🐷🐷🐷🐷🐷
蕃薯條配蜜芥醬
用左蕃薯成件感覺無咁油膩同健康左既感覺，粗條蕃薯口感好好，蕃薯有利消化功用，配埋個醬甜到入心既感覺出哂黎。
乳豬指數：🐷🐷🐷🐷🐷🐷🐷
鮮蝦福袋
首先，手工精巧係要讚賞先，佢用類似腐皮既做成一個袋裝入蝦肉等材料，用蔥扎實，好美觀精緻，賣相一流，當咬開外皮，好似去左酒樓食灌湯餃感覺，好鮮甜美味。
乳豬指數：🐷🐷🐷🐷🐷🐷🐷🐷
蟹肉汁煮大根
大根即是白蘿蔔，上面放著蟹肉，師傅費心思拆開蟹肉做呢道菜已經大大加分，賣相吸引，有種高級料理感覺，蟹肉鮮甜，配埋蘿蔔甜美相配襯。
乳豬指數：🐷🐷🐷🐷🐷🐷🐷🐷
烏冬
湯底清淡但有魚味，烏冬口感有啲似稻庭烏冬，較幼滑同偏軟身，整體唔錯。
乳豬指數：🐷🐷🐷🐷🐷🐷🐷
蘿蔔漬
感覺有啲食緊一啲即食啫喱面既果肉，酸酸甜甜，幾醒胃。
乳豬指數：🐷🐷🐷🐷🐷
⚜️五品料理配菜：
金平牛肉
照燒雞扒
北海道芝士薯餅
醬油五目
油揚拌菠菜
牛肉
牛肉用肥牛，唔乾身唔老，比吉x 家出色，醬汁入味既，有啲甜味。
乳豬指數：🐷🐷🐷🐷🐷🐷🐷
雞扒
呢個絕對係必推之一，雞扒大件好有口感，醬汁好入味，不過無食到好有燒香既味道，外皮可以再燒焦多少許。
乳豬指數：🐷🐷🐷🐷🐷🐷🐷🐷
芝士薯餅
薯餅配上檸檬汁，感覺即時清香唔油膩，薯餅尚算香脆，但芝士同忌廉餡太多，咬落去食唔到太多薯仔，有啲失色。
乳豬指數：🐷🐷🐷🐷🐷🐷
醬油五目
對於食素既朋友絕對推介，有冬菇、枝豆、豆腐卜同蘿蔔等蔬果，
感覺真係只可以用好食黎形容，如果前菜轉成呢個，效果更好！
菠菜
賣相好靚，佢將菜擺成一個布甸既外形，令人食慾大增，油份剛好，唔太油膩但又唔會太乾身，咬落去都係幼嫩，食材唔錯。
乳豬指數：🐷🐷🐷🐷🐷🐷🐷
🔴飲品：
焙茶燕麥奶
濃濃茶香配上燕麥奶，有啲似Cappuccino 口感但味道係綠茶味道，唔錯既。
乳豬指數：🐷🐷🐷🐷🐷🐷🐷
特濃朱古力
味道唔係真係太濃，但亦唔太甜既，可能冰塊溝稀左，如果可以參考雪藏奶茶等方式做唔加冰會更好。
乳豬指數：🐷🐷🐷🐷🐷🐷
🔵甜品
沖繩海鹽。富士山
賣相一絕，好可愛，富士山係海綿蛋糕配上柑橘忌廉點綴，無甜膩感覺，配上海鹽雪糕有咸有甜味道剛好。
乳豬推介指數：🐷🐷🐷🐷🐷🐷🐷🐷🐷
昭和紅日富牛乳布丁
甜品「賣飛佛」一定係布丁！！呢度既布丁好出色，做到好Q彈既視覺享受，咬落去香濃牛奶味，唔多糖份，令人一個食完想再食多個🤣🤣🤣🤣🤣🤣
乳豬推介指數：🐷🐷🐷🐷🐷🐷🐷🐷🐷🐷
Post
