李家 (Hillwood Road)

Open Now

Now Closed

向來喜歡韓食的我，特別鍾意食炸雞，由韓國人主理的李家，確是我好喜歡來食的其中一間。小店裝潢簡樸，電視播放著K POP，感覺如置身韓國民間食店。美食選擇多，好地道的韓食，主打當然係炸雞，價錢經濟，美味滿分。無骨甜辣炸雞 $178雞件無骨啖啖肉，一件一口確滿足，脆炸外層炸粉不大，沾滿甜辣醬汁非常美味。炸雞有18件份量相當多，二人食力勉強KO得晒。仲有兩小碟醃蘿蔔和椰菜沙律有助消滯。芝士雞蛋卷 $128厚厚的蛋卷相當大份，面層掃了大量茄汁和蜜糖芥末醬帶出酸甜口味。蛋肉彈牙，中間夾住芝士好有拉絲效果。鱈魚乾 $98要自行用剪刀剪開一條狀，口感香脆，點上沙律醬味道魚香更突出。Non-alcoholic Beerita $78大大杯鮮紅色的抽子特飲，有酒味但不含酒精，點飲都唔醉，柚子味酸酸甜甜開胃解膩，與炸雞食好perfect。