今次同朋友殺入元朗掘到呢間寶藏小店野川拉麵の深燒食堂，試咗三款燒物款款有驚喜，即刻同大家分享！
第一道燒黑豚肉五花腩真係邪惡到極點！肥瘦相間嘅五花腩燒到外層香脆，咬落去「咔嗞」聲
油脂係口腔爆發嘅感覺真係超治癒～師傅掃咗層秘製燒汁，甜甜哋更加帶出肉香，雖然罪惡感爆棚但真係忍唔住食完一串再接一串！
濃芝士大頭蝦絕對係視覺同味覺雙重享受！成隻手掌咁長嘅大頭蝦開邊燒，鋪滿爆多嘅芝士
一拉就見到誇張嘅拉絲效果～蝦肉爽口彈牙，芝士嘅鹹香同蝦嘅鮮甜出奇地夾，食完連手指嘅芝士都啜埋，真心推薦！
最後嘅穀飼牛仔骨醃得超級入味，燒到剛剛好唔會過老，肉質軟嫩得嚥又保留到肉汁～
最正係邊位帶少少焦脆，咬落去仲有淡淡嘅炭燒香氣，絕對係水準之作！
燒物水準拍得住市區名店，價錢仲要親民得多！下次再嚟元朗試埋佢哋嘅拉麵先～
