大肚腩點心腸粉專門店 (Closed)

一直喜歡吃點心，但爸媽通常只會飲早茶，一大早就起床。我的假期當然要自然醒啦，幸好都有點心店讓我這些懶人都可以睡飽後還能慢慢吃點心。有日2pm去了朋友推薦在教育路的"大肚腩"，原來中午和下午茶時段都十分抵食！lunch有套餐非常抵食，一人淨食點心$22-32，想再飽肚一點可以食點心+飯麵，價錢都只是$32-48 晚上平均每人$50已經勁飽肚！點心入面不得不讚金沙海鮮脆卷腸($26)，腸粉皮晶瑩通透，又薄身又滑，入面有層包住蝦的脆脆，多重口感，果然是腸粉專門店！薑汁千層糕($16)一碟三件，質素不過不失，薑味不太突出。黑松露野菌餃（$16)一上枱，松露香就撲鼻而來，黑松露份量很多，好大方，內餡清新健康，很喜歡。蝦餃($16) 外皮同樣晶瑩通透，入面包住大大隻蝦，爽口彈牙，質素不錯不錯！甘筍流沙飽($20) 非常流心，包的甘筍味不算突出，但也很軟熟，可以一試。不用去到九龍城清真牛肉館，原來元朗都有爆汁牛肉餅（$16)食！！！輕輕一咬，已經溢出爆多肉汁！果然名不虛傳！雖然始終沒有清真般好食，牛味不夠濃，但過下口癮都不錯，$16十分抵食，媽媽追加了一件 下次會帶埋爸媽來！