海鮮島海鮮酒家

Open Now

Now Closed

3人行叫左個4人餐，其實佢有2款4人餐，一款大約$800，另一款大約$1500，$800的海鮮比較弱，白灼蝦椒聯鮮魷果D，難得有朋友揸車入布澳，梗係要食好少少要個$1500的4人餐啦。白灼蝦明顯新鮮，肉質又爽口又彈牙，蝦屬於中Size陳皮蒸鮑魚都好鮮味，不過就un左少少，不過熟D好過唔夠熟(自我安慰mode)上湯龍蝦又係好新鮮，明顯同出面D大酒樓連鎖店D特價龍蝦好唔同(我個餐才$1500，如果出面食正價果D龍蝦隨時已經要$1000)。D伊麵嗦晒D龍蝦汁，真係好正。條斑都好新鮮，蒸得啱啱好原先跟餐係蟶子，點知蟶子賣晒問我地轉象拔蚌仔好唔好，都好啦唔係點woo，蒜蓉粉絲蒸，又係蒸耐咗，un左少少，而且唔知點解覺得個象拔蚌仔無乜味個餐仲有一碟菜同一個生果盤。飲左兩罐汽水，加埋一大約$1800埋單，3個人每人$600，唔算抵不過勝在新鮮。