御名園 (Closed)

臨近冬至，約左老友聚餐，想坐得舒服又傾到計， 我建議去御名園，價錢合理又高質素。點左個晚市組合加條魚， 慢慢食。 晚市組合B $338/份「上湯焗波士頓龍蝦伊麵、即燒脆皮文昌雞半隻」 上湯焗波士頓龍蝦伊麵龍蝦爽口彈牙，肉同伊麵掛滿香濃上湯汁，令人難以抗拒誘惑，食過不停。即燒脆皮文昌雞即燒即食好香口，雞皮焦脆無脂肪，肉質嫩滑，食落好juicy。清蒸老虎斑 $188時間蒸得啱啱好， 鮮味嫩滑，淋上惹味豉油，值得一試。最後再叫左個糕點， hea下。乾清棗皇糕 $28/3pcs非常濃郁的紅棗香，棗香味喺口中留有餘韻，口感煙韌不太甜。走前仲送左一人一碗杏仁茶， 香滑杏味濃郁