一鍋堂 (大鴻輝(荃灣)中心)

Open Now

Now Closed

我同朋友最鐘意就係打邊爐，特別係任食放題任點，鍾意食幾多就食幾多，啱晒我呢種肉食獸，而且食量比較大，任食就無後顧之憂啦。當然最緊要就係選擇款式多，肉嘅質素亦都不錯，湯底同醬料亦都非常重要，我自己比較重口味，呢間正正就岩晒我，淨係湯底都有16款選擇，我特別喜歡麻辣同沙嗲，湯底濃郁。以手機落單，圖片清晰，操作簡單，肉嘅質素中等，我喜歡牛板腱，肥瘦適中，墨魚滑彈牙，鴨血、花膠、超長蟹柳等等都不錯。最後梗係要整埋自助雪糕🍦，冰涼解油膩，飲品方面有自製冰茶，呢個價錢都幾抵食。