樂園魚旦專家 (Paradise Mall)

Open Now

Now Closed

剛剛去買咗一碗魚皮餃魚蛋粉雙拼，魚蛋粉係$36魚皮餃係$39，外賣加一蚊。雙拼加$10。佢用貴啲嘅價錢再加$10雙拼，所以碗粉係$50。嗰碗粉大約1分鐘已經攞到出嚟。，非常神速，我見到個碗咁細，心裏面已經覺得真係蠢咗睇都知唔慌食得飽。輕飄飄嘅碗粉。我俾錢嗰一刻都有啲猶豫，但係因為我想兩餸都食，亦都認為加咗$10之後餸嘅份量係會合服比例地增多咗。結果就是如圖，三粒魚蛋三粒魚皮餃，就已經$50。佢原本$36一碗魚蛋粉應該係有三粒魚蛋兩塊魚片。即係話我而家比多$10只係換取多一件配料。我5分鐘返到屋企嗰碗啲湯已經差不多吸晒。成碗粉的味道非常淡，魚蛋味道就是像街市買到的一餅魚蛋，比較硬身。魚皮餃比較鬆散肉比較少，全部都是如圖畫一樣，你們看到的就是剛買返嚟的樣子。這樣收$50大家覺得抵唔抵，見仁見智。我就一定唔會再幫襯佢所有嘅連鎖分店。