別府駅前料理 (杏花新城) (Closed)

咁啱嚟到杏花邨，呢區餐廳真係唔算多，幾乎都喺曬杏花新城入面，有20幾間餐廳。不過對於有選擇困難症嘅我，都夠曬我煩諗食邊間。🤪望咗咁多間menu，別府駅前料理呢間最吸引到我，因為有炸雞軟骨，my favourite😜 所以最後諗都唔諗就入咗去。Lunch time時間入面嘅人唔算多，餐廳基本防疫做到足，連餐廳入面都有膠簾分隔座位👀 感覺幾有心！睇下Menu先，最近佢哋推出各款開運定食同招福定食，而招福定食價錢非常親民，最貴都係$58。開運定食價錢就相對貴啲～❤️ 牛肉讚岐手打烏冬 $44烏冬爽口彈牙，湯底清淡，無咩味精味。牛肉份量唔少，無韌亦無鬆散，都煮得幾入味。正常牛肉烏冬嘅味道，同其他舖食到嘅差唔多，唔會話係較突出。好食度：⭐️⭐️✨ (2.5/5)❤️ 炸雞軟骨碎 $26原價$44，依家有優惠變咗$26！等到我以爲漏咗單，原來係即叫即炸🤭 上枱熱辣辣出晒煙，食落比想像中好食嘅😯 炸粉有自帶雞油香，外層酥脆，帶肉帶肥膏嘅雞軟骨大大粒，份量多，我都食唔晒。好食度：⭐️⭐️⭐️ (3/5)餐廳推薦度：⭐️⭐️⭐️(3/5)無食到佢哋嘅拉麵，我覺得佢哋價錢係合理嘅，食物中規中矩，普普通通。