Shine (Closed)

本來今晚超想食中菜，但度度都full哂，問到呢間話可以長坐仲有間房仔就入左黎。牛油果大蝦沙律 ($118)十分新鮮開胃，大蝦好大隻用料大足，最驚喜係有新鮮菠蘿酸酸甜甜好正。脆炸粗直薯條 配黑松露醬 ($78)一上台就爭住食，熱辣辣岩岩炸起，點埋黑松露醬好香口惹味，性價比好高。北海道帶子明太子意粉 ($208)帶子微微煎香，啖啖肉好鮮甜。 意粉係芝士忌廉汁，超級creamy香口，完全滿足到鐘意重口西餐既味蕾。脆炸德國咸豬手配蜜糖芥末醬 ($278)豬手炸得好脆，份量十足，五個人分都好夠。 醃得幾入味，亦好嫩滑。