卓越食品餅店

卓越食品餅店喺西環區都好多年歷史，供應傳統中式小食、糕點，有蛋散、蓮蓉酥、嚤囉酥、砵仔糕、桂花糕、糯米糍等。

由門面、裝潢到店員 都聞到一陣懷舊味道，食懷舊野就唔好講價錢，更何況仲要賣得唔貴。
4點幾鐘去到乜都賣哂咁滯，冇乜選擇下，諗起唔知幾耐冇食過砵仔糕，買左兩粒過下口癮。

黃砵仔糕 $2/個；$15/8個(迷你)
本來仲有椰汁砵仔糕但賣哂… 咁我大膽假設椰汁版應該係好食啲(?) 
價錢咁平係因為size細細隻，一口放得入，啱哂懶人。
砵仔糕挺身 ，軟硬適中，紅豆唔算好多，甜度剛好，我唔清楚人地做法，正唔正宗唔敢講，但幾好食！
（食唔到椰汁味添）

黃砵仔糕

$2

識做呢啲傳統糕點嘅人愈黎愈少，經過嘅咪試下囉。