蝦魂

近排越來越多蝦湯麵店，無論日式食店又好，定中式食店都好，個蝦湯嘅味道都非常惹味。將軍澳呢間蝦魂，開咗冇幾耐，個蝦紅湯拉麵呢度比起其他麵店都大碗啲。蝦魂餐牌就主打四款唔同湯頭嘅拉麵，仲有漬物海鮮，呢度多用清酒來漬，而牡蠣則用鰹魚昆布漬。我認為呢度啲蝦油就香啲，我鼻塞都聞到，蝦魂湯頭其實都唔錯，將軍澳居民非常幸福。不過湯頭落咗櫻花蝦呢種材料吊起個味，我自己就麻麻地。

另外講下個自製辣椒油，要加多$2，其實我覺得只係滴咗幾滴蝦油落啲辣椒油度，廚師建議挾隻蝦去點落辣椒油，然後食，就唔好成碟油倒落湯度，食完我覺得唔多辣之餘，亦提昇唔到隻蝦嘅鮮味，話時話碗麵有四隻中蝦，蝦肉蝦頭膏都很好食。

蝦魂舖位位置就非常就腳，港鐵站出口行兩分鐘就到，但唔知係咪人流比較旺，啲烏蠅飛來飛去，加上又會有啲人係舖位旁邊等人，傾計聲睇片聲咳嗽聲好影響食麵嘅客人。蝦魂座位都有差唔多三十個，不斷有人入蝦魂，不過侍應只得一個，非常忙碌，所以變成出品很慢，我等了35分鐘才有麵到。另外上麵又冇俾筷子，又要自己去攞，冰水飲晒又係要自己去攞，希望遲啲請到人或者行順咗會更加好啲~

蝦紅湯拉麵

$108

蝦

1

辣椒油

蝦紅湯拉麵

$108

冰凍麥茶及檸檬味凍水