比起常見豬骨湯拉麵，我更中意味噌湯底
濃郁得來完！全！唔！膩！亦冇味精感，飲落好舒服
店標示拉麵除咗原味以外兩個食法：
一個係加蒜泥，一個係加辣，兩個都係自助加
我3個試咗，最中意原味！其次係加蒜泥
3種各有風味，真係好睇個人喜好
另外！特別注意！拉麵嘅份量超級足！！
我覺得係一般拉麵店嘅1.5-2倍量
叉燒炒飯
係朋友點嘅，試咗少少
有叉燒蛋香，白飯粒粒分明，但一啲都唔硬，有鑊氣~
好似係用咗日本米
綠色點綴係青椒來，加咗味道層次更多
唔食嘅朋友仔建議走青或簡其他！
北海道南瓜餅
餅餡南瓜泥好軟，少少甜，感覺好
炸物好少令我唔想點沙律醬
今次依個皮好薄好脆，完全唔油！
加上瓜泥嘅純粹，令我覺得加醬會蓋過佢嘅特色
燒雞翼＋雞軟骨
偏乾身，碳燒味風味
雞翼展開，雞皮部分已經冇咩油脂，但咬開仍然係滑！
時間把握得好好
雞泡魚乾
咸鮮，有咬口
但質感會偏軟啲，唔會話咬累
朋友話同炒飯食超搭，可能因為一個香一個鮮
燒鯖魚
厚、大、魚肉實
中意碳燒味嘅人一定會好中意的皮
魚味十足，對比起來檸檬汁真係純點綴
鯖魚愛好者必選！
