極尚大喜屋 (銅鑼灣廣場一期)

Open Now

Now Closed

香港人一向好鍾意食放題，大喜屋一向都好出名，尤其係銅鑼灣呢間食物質素一直都唔錯，地方夠大，枱櫈都比較寬闊。食物種類多元化，除咗基本嘅壽司刺身之外，仲有好多款手卷，燒物，鍋物，特色料理，炸物…🍣壽司好精緻，細細件可以試多啲唔同款式，炙燒三文魚腩壽司好肥美，炸蝦香芒卷隻炸蝦都仲係脆的，香蔥拖羅魚生薈好鮮味，加咗海苔粉更香。手卷方面推薦松葉蟹膏手卷同海膽手卷，蟹肉嘅份量都幾多，鮮甜蟹肉配香濃蟹膏好正；海膽Creamy鮮甜。特色料理有中菜古法蒸海龍𧄌王；比目魚西京燒魚肉好滑，醬汁好香；蒲燒鰻魚都燒得好香炸物都幾香脆，不過溫度唔夠熱。整體食物質素都唔錯，款式豐富；上菜速度快；環境舒適，地點方便，性價比不錯。