煮打菜打冷小菜館 (Closed)

相信大家都聽過筲箕灣嘅東大街好多好野食，掃街、粉麵、日本菜等。今次一個住筲箕灣嘅朋友（地膽😂）帶我去打冷，鋪頭都幾近地鐵站，但要行條斜路仔先到，唔係朋友帶路都未必會知道呢頭有好野食。鋪頭都幾大，地方闊落，冷氣又夠，並設有卡位同大圓枱，一家大細黎食都坐得舒服。而且設有多部大電視，相信差唔多坐任何一張枱都睇到電視。👍🏻食物種類方面多到眼花😂，雞煲，煲仔菜，滷水野，海鮮等等，好多選擇。既然朋友黎食開，等佢發板！蜜椒薯仔牛柳粒薯仔應該走過油，外皮略脆，都用密汁包住個外皮，好惹味，口感又有層次！魚湯海味浸覓菜魚湯再加埋d蝦乾、魚乾同鮮魷魚圈，湯底好鮮味！沙爹肥牛粉絲煲呢個菜送飯一流！肥牛同粉絲份量都幾多，算抵食！下次黎開筲箕灣食野，又多間餐廳做選擇！