Video
Read full review
2021-06-08
46 views
朋友之前去過印度，宜家好耐無得去旅行都有時幾掛住印度嘅 nann bread，同咖哩一齊食真係好正。今次就同佢去試咗呢間食印度菜同中東菜嘅餐廳，想像下去旅行嘅感覺。入到去見到有露台同室內，露台位就好chill，但呢幾日有啲熱，所以都係坐室內。室內裝修好 grand 好靚，坐底咗即刻有人黎 serve，著西裝嘅經理黎serve水，係用玻璃瓶裝水，成個環境同感覺都係佢哋嘅風格。下午又未到晚餐時段，所以只有幾枱客，靜靜地都好。由於我同朋友都係「小鳥胃」，所以只係叫咗一個前菜同主菜，再加份 butter naan bread（後尾再追加一份普通 naan bread) 就夠了。嗰經理好有禮貌，特登過黎問我地想食完前菜先上主菜定一齊上，我地無咁講究所以就話一齊上。前菜嗌咗「袐製乳酪醬咖哩薯角」，睇落去似咖哩角，就咁食就好香，但溝埋隔離啲yogurt sauce 真係好夾，辣辣地中帶點微酸～兩個人每人食4件都唔會好滯，可能因為啲yogurt sauce都幾開胃👍🏻食緊前菜時，主菜 「印度粟米菠菜蓉咖哩 x Impossible Meat」 同 butter naan bread 就到了。經理真係好
今次就同佢去試咗呢間食印度菜同中東菜嘅餐廳，想像下去旅行嘅感覺。
入到去見到有露台同室內，露台位就好chill，但呢幾日有啲熱，所以都係坐室內。
室內裝修好 grand 好靚，坐底咗即刻有人黎 serve，著西裝嘅經理黎serve水，係用玻璃瓶裝水，成個環境同感覺都係佢哋嘅風格。
下午又未到晚餐時段，所以只有幾枱客，靜靜地都好。
由於我同朋友都係「小鳥胃」，所以只係叫咗一個前菜同主菜，再加份 butter naan bread（後尾再追加一份普通 naan bread) 就夠了。
嗰經理好有禮貌，特登過黎問我地想食完前菜先上主菜定一齊上，我地無咁講究所以就話一齊上。
前菜嗌咗「袐製乳酪醬咖哩薯角」，睇落去似咖哩角，就咁食就好香，但溝埋隔離啲yogurt sauce 真係好夾，辣辣地中帶點微酸～
兩個人每人食4件都唔會好滯，可能因為啲yogurt sauce都幾開胃👍🏻
食緊前菜時，主菜 「印度粟米菠菜蓉咖哩 x Impossible Meat」 同 butter naan bread 就到了。經理真係好好服務，仲幫我地換埋碟。
未食已經聞到好香，就咁食已經好好味，配埋咖哩就仲正。主菜我地揀咗小辣，我覺得好食嘅咖哩係唔使好辣，但最緊要係香～
呢款就啱啱好，同埋唔會太油，因為係拎黎點 naan bread bread食，粟米同菠菜蓉勁多，好食！
食完呢份 butter naan之後，雖然已經7成飽，不過難得食印度餐，而且好味，所以叫多份普通 naan bread 同嗰咖哩一齊食埋去。
naan bread 就算點前菜嗰 sauce 都好好食，食印度野真係食 sauce 都夠。
食完之後仲可以慢慢傾下計，完全唔會有趕客嘅感覺，仲係咁幫我地斟水，其實印度嘅 high end service 係真係好好。
呢間餐廳唔貴，性價比高，真係值得一試。
Post
