Video
Read full review
2017-05-07
107 views
新手第一次寫食評，本來平時都係睇人寫既多，不過呢間新開既餐廳確實要讚下的！早幾晚無聊去左荃灣見到有間類似蘇豪區格局既餐廳，咪試試囉！一入去已經有侍應招呼，見入面都差不多坐爆，應該都唔會揀錯掛，咁一坐低就叫左兩杯佢地介紹既Mocktail飲，一杯係熱情果芒果味的，一杯係西柚菠蘿，兩杯野確實幾開胃，讚！之後同朋友各叫左豬鞍同鵝肝牛柳，可能人太多關係，等左大約30分鐘先黎，一黎到睇到兩款菜賣相唔錯，我就先試豬鞍，食落唔鞋，有汁，唔會一陣豬騷味，配埋萍果蓉更醒胃，而鵝肝牛柳就用炭烤爐做法，外脆內軟，5成熟做得剛好，而牛柳既亮點竟然係伴碟既焗蒜頭，成個蒜頭頂底切平，方便用义逐粒拮出黎食，將佢連牛柳一齊食份外香口，可能因為焗過關係，食完都冇蒜味，仲可以錫錫！而環境唔太嘈，拍拖或者三幾個老友一齊食飯飲下酒，呢間餐廳值得試試！
一入去已經有侍應招呼，見入面都差不多坐爆，應該都唔會揀錯掛，咁一坐低就叫左兩杯佢地介紹既Mocktail飲，一杯係熱情果芒果味的，一杯係西柚菠蘿，兩杯野確實幾開胃，讚！
之後同朋友各叫左豬鞍同鵝肝牛柳，可能人太多關係，等左大約30分鐘先黎，一黎到睇到兩款菜賣相唔錯，我就先試豬鞍，食落唔鞋，有汁，唔會一陣豬騷味，配埋萍果蓉更醒胃，而鵝肝牛柳就用炭烤爐做法，外脆內軟，5成熟做得剛好，而牛柳既亮點竟然係伴碟既焗蒜頭，成個蒜頭頂底切平，方便用义逐粒拮出黎食，將佢連牛柳一齊食份外香口，可能因為焗過關係，食完都冇蒜味，仲可以錫錫！而環境唔太嘈，拍拖或者三幾個老友一齊食飯飲下酒，呢間餐廳值得試試！
$350
15 views
0 likes
0 comments
Post
