添好運點心專門店 (Moved) New Location

一直都好期待去食添好運，難得過黎香港，當然要去試下啦。本來都有唸過堂食的，但睇過好多網友話要排很久，而且地方又細又迫，都有d怕怕，所以決定外賣，咁就不用排啦。外賣只需要去外面拿點心紙選好後，入去找收銀姐姐付款就可以了，收銀姐姐仲態度好好咁解釋要等20-30分鐘先有，相比要比排很久，20-30分鐘當然沒有問題啦。由於是外賣同埋之後還有很多小食要食的關係，只試左最出名的三款點心，黃沙豬潤腸，香滑馬拉糕和酥皮焗叉燒包。黃沙豬潤腸：非常滑，味道方面就冇試清楚，因為滑到一次就啜灑入口了，呵呵~~香滑馬拉糕：食左一啖先記得影相，味道方面，非常鬆軟，而且入口即溶，又不怕太甜，連不喜歡食馬拉糕的妹妹都話好食。酥皮焗叉燒包：作為招牌點心，這個叉燒包當然一點也不失禮，脆脆的外皮包住鬆軟的餐包，餐包入面又有豐富香甜的叉燒餡料，真的非常美味，不過個脆皮就略嫌甜左少少。總括來話，添好運的點心，值得我去期待，下次一定再來。