Video
Read full review
2021-06-22
2017 views
👍🏻刺身、海鮮三文魚、象拔蚌、馬刀貝、赤貝、北寄貝、希靈魚樣樣都超級新鮮，而且有用冰鎮住！特別想讚牡丹蝦，條條都超肥美，蝦頭嘅蝦膏滿瀉！另外可以加$118（生蠔、海膽帶子任食）生蠔洗得好乾淨，雖然唔算好大隻但係都非常甜美無腥味；帶子好厚身，中間界開一刀放入咗滿滿嘅海膽。冰凍嘅口感配上啖啖肉同海膽嘅微量苦澀，屬不錯既配搭。👍🏻壽司、手卷壽司種類都好多，火炙同軍艦特別出色。每件火炙都加上左甜甜嘅燒汁，越食越想繼續食。而且每一件軍艦壽司上枱，每塊紫菜都係脆嘅，特別蟹肉蟹膏軍艦非常足料，鮮甜嘅蟹膏配上一絲絲嘅蟹肉非常不錯，最欣賞嘅係壽司size唔會太大，唔使驚啲米飯撐爆個肚！👍🏻炸物、燒物、小食黃金豆腐非常脆口，熱辣辣，一盤份量都唔少；芝麻雞翼都炸到皮薄肉嫩；燒菠蘿鮮甜多汁 ；另外餐廳嘅泰國小食風味絕佳：冬陰功湯、炸蝦餅、飛天炒通菜、魚露燒大蝦、酸辣鳳爪全部都好惹味，唔會太咸，完全有泰國餐廳嘅質素同風味（我見到隔離枱食炒金邊粉、炒芥蘭都食得好滋味！）👍🏻甜品、飲品甜品同飲品雖然比一般嘅放題少選擇，但係味道都不俗！甜品細細杯選擇眾多，雪糕仲有玄米茶味揀添！不過略嫌芒果布甸有啲過甜，冰櫃嘅甜品杯有
三文魚、象拔蚌、馬刀貝、赤貝、北寄貝、希靈魚樣樣都超級新鮮，而且有用冰鎮住！特別想讚牡丹蝦，條條都超肥美，蝦頭嘅蝦膏滿瀉！另外可以加$118（生蠔、海膽帶子任食）生蠔洗得好乾淨，雖然唔算好大隻但係都非常甜美無腥味；帶子好厚身，中間界開一刀放入咗滿滿嘅海膽。冰凍嘅口感配上啖啖肉同海膽嘅微量苦澀，屬不錯既配搭。
👍🏻壽司、手卷
壽司種類都好多，火炙同軍艦特別出色。每件火炙都加上左甜甜嘅燒汁，越食越想繼續食。而且每一件軍艦壽司上枱，每塊紫菜都係脆嘅，特別蟹肉蟹膏軍艦非常足料，鮮甜嘅蟹膏配上一絲絲嘅蟹肉非常不錯，最欣賞嘅係壽司size唔會太大，唔使驚啲米飯撐爆個肚！
👍🏻炸物、燒物、小食
黃金豆腐非常脆口，熱辣辣，一盤份量都唔少；芝麻雞翼都炸到皮薄肉嫩；燒菠蘿鮮甜多汁 ；另外餐廳嘅泰國小食風味絕佳：冬陰功湯、炸蝦餅、飛天炒通菜、魚露燒大蝦、酸辣鳳爪全部都好惹味，唔會太咸，完全有泰國餐廳嘅質素同風味（我見到隔離枱食炒金邊粉、炒芥蘭都食得好滋味！）
👍🏻甜品、飲品
甜品同飲品雖然比一般嘅放題少選擇，但係味道都不俗！甜品細細杯選擇眾多，雪糕仲有玄米茶味揀添！不過略嫌芒果布甸有啲過甜，冰櫃嘅甜品杯有啲口感偏硬。
👍🏻👍🏻職員會定時定候過嚟換碟倒垃圾！
👍🏻👍🏻餐廳設有多部嘅空氣清新機
💡人流不絕嘅放題餐廳，記住訂位
Post
