隨然有機玄米菜食料理 (Closed)

今日專程黎到尖沙咀呢間樓上本地良心小店，主打健康素食。餐廳裝潢利用木造嘅枱枱櫈櫈連同餐具，營造日系感覺。除此之外，餐廳播放住雀仔聲音樂，令人頓覺放鬆。是晚餐廳只有兩三枱食客，靜靜地真係好舒適。自助式嘅格局，喺櫃枱落完order就可以黎木櫃斟水拎餐具。我地一人嗌左一個set作為晚餐，同樣係洋食set，有麵豉湯、蕃茄汁意粉、沙律、藜麥同日本茶，份量恰好，亦色香味俱全。雖然定價為$140係偏貴左，但食得出店主嘅用心，同食材搭配嘅新鮮健康。